Aeth Peter Rushforth, un ar hugain oed, â’r fedal aur adref yng nghystadleuaeth gigyddiaeth WorldSkills ar ddydd Sadwrn, 19 Tachwedd 2016.
Yn y gystadleuaeth dau ddiwrnod, a gynhaliwyd yn yr NEC yn Birmingham, bu Rushforth yn brwydro yn erbyn pum cigydd arall o Loegr, Cymru ac Iwerddon mewn pum her anodd. Mae’n gweithio yn Siop Fferm Swans yn yr Wyddgrug. Ar ddiwrnod un gwnaeth y chwe chystadleuydd wynebu heriau’r categorïau barod i’w bwyta, gwneud selsig a barbeciw, yna rownd y blwch dirgel a’r dasg diesgyrnu a thorri ar yr ail ddiwrnod.
“Rwy’n credu ei fod yn gae chwarae gwastad iawn ac roedd gael pawb yr un siawns, ond i gael fy enw ar y sgrin a chael y fedal aur, roeddwn wrth fy modd,” meddai Rushforth. “Mae’n golygu llawer.”
Dyma’r diweddaraf mewn llif o lwyddiannau i’r cigydd ifanc, ar ôl iddo gael ei enw yn Gigydd Ifanc y Flwyddyn Meat Trades Journal yng ngwobrau Siop Cigydd y Flwyddyn ar ddechrau’r mis.
Enillodd Dylan Gillespie, o Clogher Valley Meats, y fedal arian, ac enillodd Daniel Turley, o Allen Aubrey yn Coventry, y drydedd wobr. Hefyd yn cystadlu roedd Hannah Blakey o Goleg Dinas Leeds, James Gracey o Quails of Dromore yn Sir Down a Martin Naan o Kettyle Irish Foods yn Sir Fermanagh.
“Mae’n bwysig iawn bod gennym gystadlaethau fel hyn ar gyfer y bobl ifanc hyn,” meddai Chris Jones o Gwmni Hyfforddiant Cambrian, a drefnodd y gystadleuaeth gigyddiaeth â chymorth oddi wrth grwpiau llywio’r diwydiant. “Mae’n helpu iddynt gynyddu eu set sgiliau ac mae’n helpu i feincnodi’r diwydiant ar gyfer pobl ifanc, fel bod yna bethau iddynt anelu atynt. Gyda chystadleuaeth fel hyn, maent yn gweld beth ddigwyddodd y llynedd ac maent eisiau gwella arno, felly mae’n helpu i’w lefel sgiliau wella bob blwyddyn.
“Roedd y llynedd yn dda iawn, eleni rwy’n meddwl eu bod wedi bod ychydig yn well. Yn sicr maen nhw’n agosach at ei gilydd eleni nag yr oeddent y llynedd.”
Cafodd y gystadleuaeth ei barnu gan Roger Kelsey, prif weithredwr Ffederasiwn Cenedlaethol y Masnachwr Cig, Keith Fisher, prif weithredwr yr Institute of Meat ac ymgynghorydd y diwydiant Viv Harvey.
Ymhlith y partneriaid sy’n noddi mae ABP, Fridge Rentals, Ffederasiwn Cenedlaethol y Masnachwyr Cig a Bwyd, Institute of Meat, Hybu Cig Cymru, Cyngor Addysg a Hyfforddiant Bwyd a Diod Cyf ac ymgynghorydd yn y diwydiant Viv Harvey. Meat Trades Journal oedd y partner cyfryngau unigryw.