Twf Swyddi Cymru i Bobl Ifanc

Beth yw Twf Swyddi Cymru?

• Cyfle i gael swydd chwe mis am dâl yw Twf Swyddi Cymru
• Mae’n talu o leiaf yr Isafswm Cyflog Cenedlaethol
• Bydd gennych gontract ysgrifenedig gan eich cyflogwyr
• Cewch gyfle i gael y profiad gwaith sydd ei angen arnoch
• Gallwch gael help a mentora ychwanegol tra byddwch yn y swydd os oes gennych anabledd neu os ydych yn wynebu rhwystrau eraill

Ariennir Twf Swyddi Cymru gan Lywodraeth Cymru gyda chymorth Cronfa Gymdeithasol Ewrop.

Ydw i’n gymwys i wneud cais am swydd wag Twf Swyddi Cymru?

Er mwyn bod yn gymwys i wneud cais am swydd wag Twf Swyddi Cymru mae’n rhaid eich bod:

• Rhwng 16 a 24 oed
• Yn byw yng Nghymru
• Ddim eisoes mewn cyflogaeth llawn amser (mae cyflogaeth llawn amser yn 16 awr yr wythnos a throsodd)
• Heb gwblhau 6 mis llawn mewn swydd wag Twf Swyddi Cymru o’r blaen
• Heb gael eich atgyfeirio na chymryd rhan yn y Rhaglen Waith neu’r Rhaglen Dewis Gwaith (Holwch eich cynghorydd yn y Ganolfan Byd Gwaith i gadarnhau eich bod wedi cofrestru)
• Ddim mewn addysg amser llawn (16 awr a throsodd yw addysg amser llawn. Sicrhewch eich bod wedi gorffen yr ysgol yn swyddogol ar ôl 30 Mehefin i fod yn gymwys i wneud cais.)
• Ddim yn dilyn rhaglen dysgu seiliedig ar waith Llywodraeth Cymru

Peidiwch â gwneud cais os na allwch fodloni’r holl ofynion cymhwysedd.

Sut gallaf brofi fy mod i’n gymwys ar gyfer Twf Swyddi Cymru?

Mae’n rhaid i chi allu darparu’r dogfennau canlynol:

• Bydd angen i chi gael llythyr atgyfeirio gan y Ganolfan Byd Gwaith os ydych rhwng 18 a 24 oed (Bydd angen i chi gofrestru’n ddi-waith yn y Ganolfan Waith)
• Bydd angen i chi gael llythyr gan Gyrfa Cymru os ydych yn 16 neu’n 17 oed
• Eich rhif Yswiriant Gwladol (YG) er enghraifft cerdyn Yswiriant Gwladol neu lythyr gan CThEM neu’r Adran Gwaith a Phensiynau
• Tystiolaeth o hawl gyfreithiol i fyw a gweithio yn y DU. Gallai hyn gynnwys eich pasbort llawn. (Gweler rhagor o fanylion am y dystiolaeth Twf Swyddi Cymru sydd ei hangen arnoch)
• Prawf eich bod rhwng 16 a 24 oed. Gallai hyn gynnwys eich Tystysgrif Geni, Trwydded Yrru Lawn neu Basbort (Gweler rhagor o fanylion am y dystiolaeth Twf Swyddi Cymru sydd ei hangen arnoch)
• Prawf o’ch cyfeiriad i brofi eich bod yn byw yng Nghymru. Gallai hyn gynnwys cyfriflen banc ddiweddar neu lythyr gan y cyngor neu gyfreithiwr gyda’ch cyfeiriad arno, Trwydded Yrru Lawn neu gyfriflen cerdyn rhent (Gweler rhagor o fanylion am y dystiolaeth Twf Swyddi Cymru sydd ei hangen arnoch)

Sut mae gwneud cais am swydd wag?

Mae llawer o swyddi y gallech eu gwneud ar gael drwy Twf Swyddi Cymru. Mae swyddi a chyflogwyr newydd yn hysbysebu bob dydd felly cofiwch gadw golwg ar y wefan.

Rydym yn rheoli swyddi yn y meysydd canlynol; Ynys Môn, Conwy, Gwynedd, Sir Ddinbych, Sir y Fflint, Wrecsam, Powys, Ceredigion, Sir Benfro, Sir Gaerfyrddin, Abertawe, Chastell-nedd Port Talbot, Caerdydd, Sir Fynwy.

• Ewch i’n tudalen swyddi Twf Swyddi Cymru i chwilio am swyddi gwag sydd o ddiddordeb i chi
• Cliciwch ar y ddolen ar frig y dudalen os ydych chi am wneud cais am y swydd hon (bydd hyn yn mynd â chi i Gyrfaoedd Cymru)
• Sicrhewch eich bod wedi’ch cofrestru ar safle Gyrfaoedd Cymru
• Mae’n rhaid i chi gadarnhau eich bod yn gymwys i wneud cais am gyfleoedd swyddi cyn gwneud cais
• Dylech logio i mewn a chwblhau’r cais am swydd. (Gweler ein Canllawiau i Gwblhau eich Cais am Swydd i gael cymorth)
• Dylech gyflwyno eich cais. (Dylech ddarllen drwy’r cais eto a sicrhau eich bod yn fodlon arno)
• Bydd y cyflogwr yn anfon e-bost atoch a fydd yn rhoi gwybod beth fydd yn digwydd nesaf
• Dylech gadw golwg ar eich ceisiadau yn Fy Swyddi

Chwilio am swydd wag heddiw >>