Yr uchelgais o fod yn gwmni gorau ei sector oedd yr hwb i gwmni cigydda a phrosesu cig yng ngorllewin Cymru sefydlu academi hyfforddi fewnol i ddatblygu gweithwyr medrus.<\/p>\n
Mae Celtica Foods o Cross Hands, sy\u2019n rhan o gwmni cyfanwerthu bwyd annibynnol Castell Howell, wedi hyfforddi 45 o brentisiaid dros y pedair blynedd diwethaf ac mae ganddo 17 ohonynt ar hyn o bryd.<\/p>\n
Mae\u2019r cwmni, sydd \u00e2 gweithlu o 75, yn cyflenwi cig i dafarndai a bwytai annibynnol, grwpiau lletygarwch, arlwywyr contract, ysbytai ac ysgolion.<\/p>\n
Yn awr, mae Celtica Foods wedi cyrraedd rhestr fer Gwobrau Prentisiaethau Cymru eleni. Bydd y cwmni\u2019n cystadlu i fod yn Gyflogwr Canolig y Flwyddyn yn y seremoni wobrwyo fawreddog yng Ngwesty Hamdden y Celtic Manor, Casnewydd ar 9 Tachwedd.<\/p>\n
Bwriad y gwobrau blynyddol yw arddangos a dathlu llwyddiant eithriadol dysgwyr, cyflogwyr, tiwtoriaid ac aseswyr sydd wedi rhagori wrth gyfrannu at ddatblygiad rhaglenni Llywodraeth Cymru ym maes Hyfforddeiaethau a Phrentisiaethau.<\/p>\n
Trefnir y gwobrau ar y cyd gan Lywodraeth Cymru a Ffederasiwn Hyfforddiant Cenedlaethol Cymru (NTfW) ac fe\u2019u cefnogir gan Media Wales, y partner yn y cyfryngau. Caiff y Rhaglen Brentisiaethau ei hariannu gan Lywodraeth Cymru gyda chymorth Cronfa Gymdeithasol Ewrop.<\/p>\n
Mae 30 o gyflogwyr, dysgwyr a darparwyr dysgu o bob rhan o Gymru wedi cyrraedd rhestr fer Gwobrau Prentisiaethau Cymru.<\/p>\n
Bu\u2019r darparwr dysgu Cwmni Hyfforddiant Cambrian yn cydweithio \u00e2 Celtica Foods i ddatblygu\u2019r academi er mwyn denu rhagor o bobl ifanc i\u2019r sector cig a chynyddu sgiliau\u2019r gweithlu cyfan.<\/p>\n
Mae\u2019r rhaglenni a gynigir yn amrywio o Brentisiaethau Sylfaen i Brentisiaethau Uwch yn Sgiliau\u2019r Diwydiant Cig a Dofednod, Sgiliau’r Diwydiant Bwyd a Rhagoriaeth Cynhyrchu Bwyd.<\/p>\n
\u201cMae arnom angen sgiliau amrywiol, o dynnu\u2019r esgyrn o garcasau, a gwneud byrgers a sosejis, i dorri cig yn fanwl er mwyn bodloni gofynion rhai o\u2019n cwsmeriaid,\u201d meddai Edward Morgan, rheolwr gyfarwyddwr Celtica Foods. \u201cMae hyfforddi a chadw staff yn bwysig.<\/p>\n
\u201cEr mwyn i Celtica Foods gyflawni ei amcanion, gwelsom fod angen ffordd wahanol o hyfforddi staff.\u201d<\/p>\n
Mae\u2019r cwmni\u2019n rhoi blaenoriaeth i les y staff gan gynnig sesiynau cwnsela cyfrinachol a gwasanaeth therapydd iechyd galwedigaethol i’w staff os bydd angen.<\/p>\n
Dywedodd Chris Jones, pennaeth cynhyrchu bwyd gyda Chwmni Hyfforddiant Cambrian:<\/p>\n
\u201cMae Celtica Foods yn credu\u2019n gryf mewn buddsoddi yn natblygiad staff ac mae\u2019n gweld y Rhaglen Brentisiaethau fel ffordd ddelfrydol o symud ymlaen \u00e2\u2019r busnes.\u201d<\/p>\n
Mae gan Celtica Foods safle torri a drwyddedir gan yr Asiantaeth Safonau Bwyd, mae ganddo achrediad Gradd \u2018A\u2019 gan Gonsortiwm Manwerthu Prydain ac achrediad PGI ac mae\u2019n cyrraedd safon amgylcheddol IS01400 a safon ansawdd ISO1900.<\/p>\n
Wrth longyfarch Celtica Foods ar gyrraedd y rhestr fer, dywedodd Gweinidog y Gymraeg a Dysgu gydol Oes, Eluned Morgan:\u00a0\u201cMae Gwobrau Prentisiaethau Cymru yn tynnu sylw at lwyddiant Rhaglenni Prentisiaethau a Hyfforddeiaethau Llywodraeth Cymru a\u2019r hyn y mae ein prentisiaid, ein cyflogwyr, ein darparwyr dysgu a\u2019n hyfforddeion disglair wedi\u2019i gyflawni.<\/p>\n
\u201cMae prentisiaethau\u2019n ffordd wych i unigolion feithrin sgiliau gwerthfawr a phrofiad ac ennill cyflog ar yr un pryd, ac i gyflogwyr sicrhau bod y sgiliau angenrheidiol gan eu gweithlu i baratoi\u2019r busnes ar gyfer y dyfodol.<\/p>\n
\u201cNi fu erioed yn bwysicach cynyddu sgiliau lefel uwch a datblygu llwybrau sgiliau er budd Cymru gyfan.\u201d<\/p>\n","protected":false},"excerpt":{"rendered":"