Mae t\u00eem o gogyddion o Ganolbarth Cymru wedi rhoi\u2019r ardal ar y map trwy ennill cystadleuaeth fawreddog Brwydr y Ddraig ym mhrif ddigwyddiad coginio\u2019r wlad.<\/p>\n
Dan arweiniad yr aelod profiadol o D\u00eem Coginio Cenedlaethol Cymru, Nick Davies, Cogydd-Perchennog y Lion Hotel, Llandinam, brwydrodd y t\u00eem yn erbyn her gref o ardaloedd Gogledd a De Cymru i godi Tlws y Ddraig.<\/p>\n
Datgelodd llywydd Cymdeithas Goginiol Cymru, Colin Gray mai dim ond ambell i bwynt oedd wedi gwahanu\u2019r timau ar \u00f4l tridiau o gystadlu yn 20fed Pencampwriaeth Coginio Ryngwladol Cymru yng Ngholeg Llandrillo, Llandrillo-yn-Rhos. Noddir y bencampwriaeth ar y cyd gan Lywodraeth Cymru, Unilever Food Solutions a Hybu Cig Cymru.<\/p>\n
Yn ymuno \u00e2 Davies, y capten yn nh\u00eem Canolbarth Cymru oedd cyn bencampwr Cogydd Cenedlaethol Cymru, Neil Roberts, sef cogydd-perchennog y Waggon and Horses, Y Drenewydd, Kelly Thomas o Lanbedr Pont Steffan a Stephen Griffiths o\u2019r Trallwng, ill dau\u2019n gweithio i Gwmni Hyfforddiant Cambrian a\u2019r prentis o gogyddion Rhiannon Morris, 17 oed o\u2019r Lion Hotel, Llandinam a Jacob Sampson, 18 oed o\u2019r Raven Inn, y Trallwng. Gareth Johns oedd Rheolwr y T\u00eem, sef cydberchennog Gwesty Wynnstay, Machynlleth.<\/p>\n
Gweinodd pob t\u00eem fwydlen tri chwrs i 90 o giniawyr. Dechreuodd Canolbarth Cymru gyda ther\u00een sewin (brithyll m\u00f4r) a chennin wedi\u2019i gywasgu, tarten cregynbysgod Bae Ceredigion hufennog, hollandaise sitrws, salad ffenigl a chucumer wedi\u2019u piclo a saws tomato paprica.<\/p>\n
Ar gyfer y prif gwrs, cafwyd crwmp oen rhost Cymru, risol cig oen sinsir sbeislyd, bresych Savoy hufennog, pwmpen cnau menyn rhost, tatws stwnsh mwg Halen M\u00f4n, ffriter offal a sudd sial\u00f3ts ac eirin ysgaw. I bwdin cafwyd tarten siocled a Chwisgi Penderyn, sorbed granadila, pwdin rhew llugaeron, toesen sinamon ceuled oren a salsa mango.<\/p>\n
Canmolodd Mr Davies gyd aelodau ei d\u00eem i\u2019r entrychion, yn enwedig y ddau brentis. \u201cAllwn i ddim credu pa mor dda ymdopon nhw gyda\u2019r pwysau, heb wegian o gwbl, aeth popeth fel cloc yn y gegin\u201d, meddai. \u201cGweithio fel t\u00eem oedd ein cryfder mawr. Gweithiodd pob un ohonom ar y tri phryd ac rwy\u2019n credu i hynny dalu ar ei ganfed.<\/p>\n
\u201cMae\u2019r fuddugoliaeth hon yn cydnabod nad dim ond pwdin coginio yw Canolbarth Cymru. Efallai bod y gwestai mawr i gyd yn Ne a Gogledd Cymru, ond mae yna gogyddion da iawn yma yng Nghanolbarth Cymru ac mae\u2019r rhagolygon ar gyfer y dyfodol yn ddisglair gyda\u2019r doniau sy\u2019n dod i\u2019r amlwg.
\n\u201cRoedd hi\u2019n wych cael 18 cogydd yng Nghymru\u2019n cystadlu, sy\u2019n argoeli\u2019n dda ar gyfer y dyfodol. Gobeithiwn drefnu cyfres o giniawau chwaethus yng Nghanolbarth Cymru i ennyn diddordeb rhagor o gogyddion, er mwyn rhwydweithio a chodi lefel y sgiliau yn yr ardal.\u201d<\/p>\n
Cymerodd y beirniad ddwy awr i benderfynu ar yr enillydd. \u201cRoedd y rhan fwyaf o\u2019r pwyntiau ar gyfer blas a chafodd pob t\u00eem sgorau tebyg iawn\u201d, meddai Mr Gray, perchennog Capital Cuisine yng Nghaerdydd.<\/p>\n
Eleni, roedd elfen gyhoeddus i\u2019r beirniadu. Estynnwyd gwahoddiad i bawb a eisteddodd i giniawa dros y tridiau i lenwi cerdyn sgorio ac roedd eu pleidleisiau\u2019n cael eu cyfuno gyda rhai\u2019r panel beirniadu i benderfynu ar yr enillydd.<\/p>\n
\u201cRoedd pleidlais y cyhoedd yn eithaf agos i sgorau\u2019r beirniaid a\u2019r farn gyfunol oedd mai Canolbarth Cymru oedd piau hi o drwch blewyn,\u201d ychwanegodd Mr Gray. \u201cBu ansawdd y bwyd dros y tridiau\u2019n wych, a chydnabuwyd hyn trwy ddyfarnu medalau aur i\u2019r tri th\u00eem.<\/p>\n
\u201cDyma ganlyniad rhyfeddol i Ganolbarth Cymru, a gafodd ei adfer yn ardal Cymdeithas Goginiol Cymru haf diwethaf.\u201d
\nNewidiodd Cymdeithas Goginiol Cymru ei thraddodiad eleni trwy wahodd y tri th\u00eem rhanbarthol i gystadlu am Dlws y Ddraig i arddangos coginio gorau Cymru. Yn y blynyddoedd diwethaf, gwahoddwyd dau d\u00eem rhyngwladol i gystadlu yn erbyn Cymru yn y gystadleuaeth.<\/p>\n
\u201cMae\u2019r gystadleuaeth wedi creu cymaint o ddiddordeb cyhoeddus yn y rhanbarthau a bu cyfeillgarwch penigamp rhwng y timau\u201d ychwanegodd Mr Gray. Bwriadwn nawr i gyfalafu ar y teimlad cadarnhaol hwn er mwyn symud y gymdeithas yn ei blaen.\u201d<\/p>\n
Roedd wrth ei fodd o gyflwyno\u2019r cogyddion oedd yn dod i\u2019r amlwg i arena\u2019r gystadleuaeth, gan fod rhaid i bob t\u00eem gynnwys o leiaf ddau aelod dan 23 oed. \u201cAr \u00f4l cael blas am gystadlu, rwy\u2019n gobeithio y bydd y cogyddion ifanc hyn am barhau,\u201d meddai.<\/p>\n
Dechreuodd Gogledd Cymru\u2019r gystadleuaeth ar ddydd Mawrth, gan goginio bwydlen yn defnyddio Cig Eidion Cymru fel prif gwrs. Yn gapten ar y t\u00eem roedd Toby Beevers, cydberchennog Kokonoir, Brychdyn. Roedd cyd-aelodau ei d\u00eem yn cynnwys Danny Burke, perechennog Shared Olive, Penarl\u00e2g, Hefin Roberts, prif gogydd ac Ioan Evans o Ye Olde Bull\u2019s Head Inn, Biwmaris, Sally Owens, darlithydd yng Ngholeg Llandrillo, Llandrillo-yn-Rhos a Chris Tull, Signatures Restaurant, Aberconwy.<\/p>\n
Cwblhaodd De Cymru\u2019r arlwy ar ddydd Iau, gan goginio porc Cymru fel prif gwrs. Roedd y t\u00eem yn cynnwys y capten Trevor Jones, cogydd gweithredol yn Custom House, Penarth, a phum aelod o\u2019r Celtic Manor Resort, Casnewydd, oedd yn cynnwys y prif gogydd gweithredol Michael Bates, sydd hefyd yn gogydd-perchennog ar y White Hart Village Inn, Llangybi, y cogydd crwst gweithredol Karl Jones-Hughes, y cogydd Simon Crockford a\u2019r dirprwy gogyddion Jonathan Pring a Ffion Lewis.<\/p>\n
I gael rhagor o wybodaeth, cysylltwch \u00e2 Colin Gray, llywydd Cymdeithas Goginiol Cymru ar 02920 851997 neu 07957 422546 neu Duncan Foulkes, swyddog y wasg, ar 01686 650818.<\/p>\n","protected":false},"excerpt":{"rendered":"