Mae Pencampwr Cigydd Ifanc Cymru Peter Rushforth wedi llwyddo i amddiffyn ei deitl ar \u00f4l rownd derfynol agos lle canmolodd y beirniaid safon uchel y gigyddiaeth.<\/p>\n
Aeth Rushforth, 20, o Siop Fferm Swans, Treuddyn, yr Wyddgrug, i’r rownd derfynol yn Ffair Aeaf Frenhinol Cymru yn Llanfair-ym-Muallt ar ddydd Llun yn syth ar \u00f4l ennill medal efydd yn rownd derfynol Cystadleuaeth Genedlaethol Cigyddiaeth WorldSkills UK yn y Skills Show.<\/p>\n
Ar \u00f4l cynrychioli Prydain Fawr mewn cystadleuaeth gigyddiaeth Ewropeaidd roedd o’n awyddus i orffen y flwyddyn ar nodyn llwyddiannus<\/p>\n
\u201cYn dod i’r gystadleuaeth fel pencampwr presennol, roedd gen i bopeth i’w golli ac roeddwn i dan bwysau,\u201d meddai. \u201cRoeddwn i’n falch \u00e2’m harddangosfa ond dwi’n meddwl bod y safon wedi mynd i fyny’n ddramatig eleni.<\/p>\n
\u201cPenderfynais gael dyluniad modern i wneud yr hambyrddau’n greadigol i ddenu cynulleidfa iau oherwydd bod angen mwy o bobl ifanc yn y diwydiant arnom ni.<\/p>\n
\u201cGan edrych yn \u00f4l ar 2015, mae hi wedi bod yn flwyddyn lwyddiannus iawn ac mae hi’n deimlad gwych agos\u00e1u at y Nadolig \u00e2’r anrhydedd hwn.\u201d<\/p>\n
Enillydd yr ail wobr oedd Tomos Hopkin, 22, o Gwyrhyd Mountain Meat, Rhiwfawr, Abertawe, sydd wedi ennill tair gwaith yn y gorffennol. Dau bwynt yn unig oedd rhwng y ddau uchaf, Enillydd y drydedd wobr oedd Dewi Davies a Jed Jones oedd enillydd y bedwaredd wobr, y ddau’n 18 oed ac yn gweithio i Fwydydd Celtica Cyf, Cross Hands.<\/p>\n
Mae’r gystadleuaeth yn cael ei noddi ar y cyd gan Hybu Cymru, Bwydydd Randall Parker, a WMO, Y Trallwng. Derbyniodd Rushforth dlws a siec am \u00a3130, a derbyniodd Hopkin dlws a \u00a370.<\/p>\n
Cafodd y cigyddion ifanc yn cael eu herio i gynhyrchu arddangosfa o gig mewn dwy awr o grwper uchaf cyfan o Gig Eidion Cymreig, a choes o Gig Oen Cymreig PGI, hanner ysgwydd o Borc Cymreig a chyw i\u00e2r Gymreig gyfan o Gefn Llan.<\/p>\n
Roedd y beirniaid, Chris Jones o Gwmni Hyfforddiant Cambrian a Steve Morgans o Morgans Butchers, Aberhonddu, yn chwilio am ddarnau i gynyddu gwerthadwyedd a gwerth y cynnydd gymaint \u00e2 phosibl, syniadau newydd a chreadigol, techneg torri, gwerth ychwanegol, technegau arddangos, HACCP a hylendid personol a’r cynnyrch mwyaf posibl o’r carcasau.<\/p>\n
Meddai Mr Morgans: \u201cRoedd y safon yn uchel iawn, iawn ac nid oedd llawer rhwng Peter a Tomos. Dwi’n meddwl bod y safon yn gwella bob blwyddyn a bellach mae sgiliau cigyddiaeth yn cael eu cydnabod oherwydd bod yn rhaid i gigyddion wneud arddangosfeydd cig yn ddeniadol i’r llygad.<\/p>\n
\u201cRoedd hefyd yn wych gweld Dewi a Jed yn cystadlu am y tro cyntaf. Maen nhw’n dechrau ar yr ysgol gystadlaethau ac roedd y rownd derfynol yn gyfle dysgu ardderchog iddyn nhw.\u201d<\/p>\n
Mae Rushforth, Davies a Jones yn dilyn prentisiaethau, sy’n cael eu darparu gan Gwmni Hyfforddiant Cambrian \u00e2 chyllid Llywodraeth Cymru a Chronfa Gymdeithasol Ewrop.<\/p>\n
\u201cDydw i ddim yn rhy siomedig oherwydd roeddwn i yn erbyn cigydd da iawn sydd newydd gystadlu yn rownd derfynol Cigyddiaeth WorldSkills UK,\u201d meddai Hopkin. \u201cMae Peter wedi gwella’n sylweddol ers y tro diwethaf i mi gystadlu yn ei erbyn tair blynedd yn \u00f4l.\u201d<\/p>\n
Roedd Davies a Jones yn cystadlu am y tro cyntaf. \u201cRoedd llawer yn fwy anodd nag roeddwn i wedi meddwl y byddai i ddechrau,\u201d cyfaddefodd Davies, sy’n byw yn Hendy-gwyn ar Daf. \u201cGwnes i wir fwynhau’r rownd derfynol a bellach dwi’n anelu at wneud mwy o gystadlaethau.\u201d<\/p>\n
Meddai Jones, o Lwynhendy, ger Llanelli: \u201cDwi wedi dysgu cymaint heddiw a buaswn i wrth fy modd i’w wneud eto.\u201d<\/p>\n
Hefyd Rushforth a Hopkin oedd cyd enillwyr yr ail wobr yn rownd derfynol Cigydd Porc Cymru yn y bore, pan ddewisodd y beirniaid Clinton Roberts fel pencampwr, o Ponty Butchers, Pontardawe, a oedd yn meddu ar bwynt a hanner o fantais.<\/p>\n
Capsiynau’r lluniau:<\/p>\n
Peter Rushforth \u00e2’i dlws ac un o’r hambyrddau o gig o’i arddangosfa fuddugol.<\/p>\n
I gael mwy o wybodaeth cysylltwch \u00e2 Katy Godsell, rheolwr marchnata yng Nghwmni Hyfforddiant Cambrian, ar Ff\u00f4n: 01938 555 893, Keith Brown yng Nghymdeithas Amaethyddol Frenhinol Cymru, ar Ff\u00f4n: 01982 552100 neu Duncan Foulkes, ymgynghorydd cysylltiadau cyhoeddus, ar Ff\u00f4n: 01686 650818.<\/p>\n","protected":false},"excerpt":{"rendered":"