Swyddi gwag

Prentis Pobi a Chynorthwyydd Delicatessen gyda Flynn's Delicatessen

Flynn's Delicatessen, 27 Heol Walter, Abertawe, SA1 5NN

Amdanom ni

Yn 2025, agorodd Chris Flynn deli bach yn Abertawe a chreodd busnes a oedd yn gwneud bwyd o ansawdd uchel yn hygyrch i bawb. Mae Flynn's Delicatessen yn rhannu'r gorau o gynhwysion lleol a ffres i greu bwyd gwych sy'n dod â phobl at ei gilydd i greu amgylchedd sy'n estyn croeso cynnes i bawb.

Y Rôl

Mae Flynn's Delicatessen yn chwilio am Gynorthwyydd Pobi a Deli i ymuno â'r tîm sy'n tyfu. Mae hon yn rôl lefel mynediad i rywun sydd â diddordeb mewn bwyd, pobi, lletygarwch a gweithio mewn amgylchedd deli annibynnol prysur. Bydd y rôl yn cefnogi ein cynhyrchu pobi mewnol, gan gynnwys bara, bagels, brioche, cacennau a chynhyrchion deli eraill, wrth hefyd cefnogi dyletswyddau cownter deli a gwasanaeth cwsmeriaid yn ystod gwasanaeth. Bydd dyletswyddau’n cynnwys paratoi cynhwysion, helpu gyda phobi dyddiol, dilyn ryseitiau a chofnodion swp, cadw’r ardaloedd pobi a’r gegin yn lân ac yn drefnus, cefnogi cylchdroi stoc, helpu i baratoi cynhyrchion ar gyfer gwasanaethu a manwerthu, gwasanaethu cwsmeriaid, cymryd archebion, cynorthwyo gyda'r cownter deli, a helpu i gynnal profiad cwsmer cynnes, croesawgar a phroffesiynol.

Amdanoch chi

Bydd hyn yn addas i rywun sy'n frwdfrydig, yn ddibynadwy, yn ymarferol ac yn awyddus i ddysgu. Nid yw profiad blaenorol o bobi, cegin neu wasanaeth cwsmeriaid yn hanfodol, gan y bydd hyfforddiant yn cael ei ddarparu, ond mae’r agwedd gywir a diddordeb gwirioneddol mewn bwyd yn bwysig.

Hyfforddiant a Datblygu

Bydd y rôl hon yn cael ei chefnogi gan raglen brentisiaeth ffurfiol, sy’n darparu hyfforddiant strwythuredig ochr yn ochr â phrofiad ymarferol. Bydd cyfleoedd i ddatblygu sgiliau ar draws pobi, manwerthu deli, lletygarwch a gwasanaeth bwyd, ymgymryd â mwy o gyfrifoldebau, symud ymlaen o fewn y busnes ac o bosib ehangu oriau wrth i'r rôl datblygu.

Gwybodaeth Ychwanegol

Yr hyn rydyn ni’n ei gynnig:

• Disgownt staff ar gael.
• Cyfle i symud ymlaen o fewn y busnes.
• Potensial i gynyddu oriau dros amser.
• Profiad ar draws pobi, deli, gwasanaeth caffi, manwerthu a digwyddiadau.
• Gweithio ar Heol Walter yn Abertawe, yn agos at ganol y ddinas ac ar lwybrau bysiau lleol.
• Parcio ar gael gerllaw.

Cymwysterau gofynnol:

Yr agwedd gywir a’r diddordeb gwirioneddol i ddysgu am fwyd yw'r cymhwyster pwysicaf. Gofynion y Gymraeg: Dim. Cwrs Prentisiaeth: Prentisiaeth Sylfaen Lefel 2 mewn Pobi Cyflog: Cyfraddau Prentisiaethau - yn codi i £13 yr awr ar ôl y flwyddyn gyntaf Oriau: O leiaf 16 awr yr wythnos. Dyddiau ac oriau i’w cytuno. Gan fod y rôl hon yn cefnogi ein popty, bydd rhai oriau cynnar yn rhan o'r swydd fel bod ein bara, pobi, a chynhyrchion deli yn ffres ac yn barod ar gyfer y diwrnod sydd i ddod. Mae argaeledd ar y penwythnos hefyd yn ofynnol. Trefniadau Cyfweliadau: Bydd gofyn i chi mynychu cyfweliad wyneb yn wyneb yn Flynn’s Delicatessen. Sut i wneud cais: Anfonwch eich CV ac e-bost byr i hello@flynnsdeli.co.uk yn esbonio pam mae gennych ddiddordeb yn y rôl.  

Mae CWMNI HYFFORDDIANT CAMBRIAN yn chwilio am Swyddog Hyfforddiant proffesiynol mewn Lletygarwch i ymuno â’n tîm yng Ngogledd Cymru (Llawn Amser 37 awr yr wythnos) Cyflog: Hyd at £28,500 y flwyddyn i ymgeiswyr sy’n meddu ar gymhwyster TAQA.   EIN STORI: Mae Cwmni Hyfforddiant Cambrian yn ddarparwr prentisiaethau dysgu seiliedig ar waith blaenllaw sydd wedi darparu prentisiaethau o ansawdd uchel ledled Cymru ers dros 30 mlynedd. Rydym yn Gwmni sy’n eiddo i’r gweithwyr lle mae gan y gweithwyr gyfran yn llwyddiant y busnes. Ein nod yw ymgysylltu â holl bobl ifanc, dysgwyr a chyflogwr, trwy ddatblygu sgiliau unigolion trwy ddysgu, ac i ffynnu trwy hyfforddiant a datblygiad. Rydym wedi ennill enw da ledled Cymru am ddarparu rhaglenni hyfforddi a datblygu o ansawdd uchel sy’n cefnogi’r sector twristiaeth sy’n tyfu. YR HYN YR YDYM YN CHWILIO AMDANO: Rydym yn chwilio am Swyddog Hyfforddiant medrus i weithio fel rhan o'n tîm Lletygarwch sy'n tyfu. Bydd gan yr ymgeisydd delfrydol y gallu i addysgu a datblygu prentisiaid lletygarwch a gyflogir yn y sector. Mae hunan gymhelliant, brwdfrydedd, gweithio annibynnol a gwaith tîm yn hanfodol ar gyfer y rôl hon, ochr yn ochr â sgiliau rhyngbersonol a chyfathrebu da. Byddwch yn gweithio'n uniongyrchol gyda chyflogwyr a phrentisiaid o bob oedran, felly mae'n rhaid i'r gallu i ysgogi unigolion a'u cefnogi i gyflawni nodau y cytunwyd arnynt fod yn un o'ch priodoleddau. Rhaid meddu ar sgiliau rhyngbersonol a chyfathrebu rhagorol, a bod â gallu profedig o ysgogi unigolion i gyflawni nodau y cytunwyd arnynt. Yn y pen draw, byddwch yn cael llawer iawn o foddhad swydd drwy ddysgu'ch prentisiaid i gyflawni eu Cymwysterau NVQ lefelau 2 i 4. Gallwch ddisgwyl cyflwyno addysgu a dysgu yn y gweithle o ddydd i ddydd, gan drosglwyddo eich gwybodaeth a'ch profiad, yn ogystal â chynnal asesiadau, cynorthwyo prentisiaid wrth iddynt baratoi eu portffolio o dystiolaeth, a chynnal cofnodion cynnydd. Yn yr un modd, bydd disgwyl i chi gefnogi dysgwyr i wella eu llythrennedd, rhifedd a sgiliau digidol, a hyrwyddo'r defnydd o'r Gymraeg lle bynnag y bo modd. Mae'n ofyniad i feddu ar drwydded yrru ddilys gyfredol, a mynediad i'ch cludiant eich hun gan fod teithio yn hanfodol i'r swydd. DYLECH: ● Bod ag o leiaf 3 blynedd o brofiad o weithio yn y sector lletygarwch. ● Bod â phrofiad o arwain tîm, neu oruchwylio eraill (delfrydol, ond nid yn hanfodol) ● Meddu ar sgiliau rheoli amser a threfnu gwych. ● Bod â lefel dda o sgiliau TG a'r gallu i ddysgu meddalwedd newydd. ● Meddu ar wobr aseswr D32/D33, TAQA neu A1, neu byddwch yn barod i'w wneud. ● Meddu ar TGAU A* - C / 9 - 4 mewn Saesneg a Mathemateg neu lefel 2 gyfatebol (delfrydol, ond nid yn hanfodol). ● Mae'r gallu i siarad Cymraeg yn ddelfrydol ond nid yn hanfodol. CYFRIFOLDEBAU ALLWEDDOL: ● Darparu addysgu a dysgu allweddol i lwyth achos o ddysgwyr yn y gweithle. ● Datblygu sgiliau, gwybodaeth a dealltwriaeth dysgwyr. ● Cynllunio a chynnal asesiadau i ddiwallu anghenion cymwysterau, gan gynnwys wyneb yn wyneb ac ar-lein. ● Cynnal cofnodion dysgwyr o asesiadau a chynnydd. ● Ymgysylltu â chyflogwyr a dysgwyr posibl i nodi cyfleoedd newydd. ● Gweithio gydag adrannau eraill o fewn Hyfforddiant Cambrian i sicrhau bod dysgwyr yn gallu cwblhau eu rhaglenni prentisiaeth ar amser. MANTEISION ALLWEDDOL: ● Ystod gyflog o £27,000.00 i ymgeiswyr heb gymhwyster, hyd at £28,500.00 y flwyddyn i ymgeiswyr cymwys. ● Hawliau gwyliau blynyddol hael o 25 diwrnod yn y flwyddyn gyntaf o gyflogaeth, gan gynyddu i 28 diwrnod ar ôl 12 mis o wasanaeth, ynghyd â hawliau gwyliau banc ychwanegol. ● Cynllun Tâl Salwch y Cwmni. ● Cefnogaeth iechyd meddwl a lles. ● Cyfleoedd DPP parhaus. ● Cynllun pensiwn y cwmni. ● Darperir gwisg staff, gliniadur a ffôn symudol. ● Defnydd o geir y cwmni. Os oes gennych ddiddordeb mewn gwneud cais, yn y lle cyntaf, anfonwch eich CV a'ch llythyr eglurhaol yn amlinellu pam rydych eisiau'r swydd a pham rydych yn teimlo eich bod yn ymgeisydd addas i: hr@cambriantraining.com Ffôn: 01938 555 893 Bydd angen i chi gofrestru fel Ymarferydd Dysgu Seiliedig ar Waith gyda Chyngor y Gweithlu Addysg. Bydd angen datgeliad DBS ehangach ar draul y cyflogwr. Y dyddiad cau ar gyfer ceisiadau yw: Dydd Gwener 6ed Mehefin 2026. Mae Cwmni Hyfforddiant Cambrian yn gyflogwr cyfle cyfartal a hyderus o ran anabledd. Y dyddiad cau ar gyfer ceisiadau yw: Dydd Gwener 28ain o Dachwedd 2025. Mae'r cwmni'n cadw'r hawl i gau'r swydd ar unrhyw adeg os ydym yn derbyn nifer fawr o geisiadau addas. Felly, rydym yn annog ceisiadau cynnar i sicrhau eich ystyriaeth ar gyfer y swydd.

Prentis Cyfrifon gyda Sidoli yn y Trallwng

Sidoli Cyf, Lôn Henfaes, y Trallwng, Powys, SY21 7BE. Amdanom ni Rydym yn wneuthurwr pwdinau moethus o ansawdd uchel wedi'i leoli yn y Trallwng. Mae ein ffatri o'r radd flaenaf wedi bod yn cynhyrchu cynhyrchion o ansawdd uchel ers dros 40 mlynedd, gan ddefnyddio'r cynhwysion gorau a dulliau gwneud â llaw draddodiadol. Y Rôl Mae cyfle cyffrous wedi codi i unigolyn brwdfrydig ac awyddus i ymuno â'n Tîm Cyfrifon sefydledig fel Prentis Cyfrifon. Mae'r rôl hon yn cynnig llwybr ardderchog i rywun sy'n edrych i adeiladu gyrfa hirdymor mewn cyfrifeg. Fel rhan o'r brentisiaeth, byddwch yn cael eich cefnogi i astudio tuag at eich cymhwyster AAT, gan ennill profiad ymarferol a hyfforddiant ffurfiol. Cyfrifoldebau a Phriodoleddau Allweddol Bydd yr ymgeisydd llwyddiannus yn dangos:

• TGAU mewn Mathemateg a Saesneg (graddau disgwyliedig: 6-9 neu'r gyfwerth)
• Sylw cryf i fanylion a'r gallu i gynhyrchu gwaith cywir, o ansawdd uchel.
• Menter ac ymagwedd ragweithiol at dasgau.
• Agwedd cadarnhaol a'r gallu i weithio'n effeithiol fel rhan o dîm.
• Brwdfrydedd a pharodrwydd gwirioneddol i ddysgu a datblygu.
• Sgiliau rhifedd a dadansoddol dda.
• Sgiliau cyfathrebu clir ac effeithiol, yn ysgrifenedig ac ar lafar.
• Y gallu i reoli llwyth gwaith amrywiol o fewn amgylchedd deinamig a phrysur.
• Llythrennedd TG da.
• Sgiliau trefnu cryf.
• Hyblygrwydd a'r gallu i weithio hyd at ddyddiadau cau.

Gallwch elwa ar ostyngiad staff yn y siop staff, maes parcio mawr gyda pharcio am ddim ar y safle.

Profiad: 

Nid oes angen unrhyw brofiad blaenorol. Bydd hyfforddiant llawn yn cael ei ddarparu ar draws pob agwedd ar y rôl, ochr yn ochr â chefnogaeth ar gyfer eich cymhwyster AAT.

Hyfforddiant a Datblygu:

Bydd y rôl hon yn cael ei chefnogi gan raglen prentisiaeth ffurfiol, sy'n darparu hyfforddiant strwythuredig ochr yn ochr â phrofiad ymarferol mewn amgylchedd proffesiynol. Mae'n gyfle gwych i adeiladu gyrfa hirdymor mewn cyfrifeg.

Cymwysterau gofynnol:

Safon dda o addysg gyffredinol gan gynnwys TGAU Mathemateg a Saesneg gradd C neu gyfwerth. Gofynion y Gymraeg: Dim. Cwrs Prentisiaeth: Prentisiaeth Lefel 2 mewn Cyfrifeg. Cyflog: Cyflog cychwynnol: Cyfraddau Prentisiaeth. Oriau: Llawn amser ddydd Llun - dydd Gwener, 9yb i 5yp. Trefniadau Cyfweliadau: Bydd gofyn i chi fynychu cyfweliad wyneb yn wyneb yn Sidoli.

Sut i wneud cais:

Anfonwch eich CV a nodyn eglurhaol byr yn esbonio pam mae gennych ddiddordeb yn y rôl at Sian Evans, Rheolwr AD, CDT Sidoli (y Trallwng) Cyf. Lôn Henfaes, y Trallwng, Powys, SY21 7BE. E-bost: sianlevans@sidoli.co.uk

Y brentisiaeth

Dyletswyddau

Gweithredu cegin brysur yn unol â rheoliadau HACCP. Cynnal safon uchel o hylendid cegin gan sicrhau amgylchedd gwaith diogel i gydweithwyr a chwsmeriaid. Gallu i wneud sawl tasg ar yr un pryd a gweithio mewn amgylchedd o bwysau uchel yn ystod amseroedd gwasanaeth prysur. Paratoi, coginio a rhedeg adran o’r Gegin.

Cyflog: £12 - £14

Oriau gwaith: 16-30 awr yr wythnos

Gofynion

Sgiliau

• Hylendid: Ymrwymiad cryf i gynnal safonau diogelwch bwyd a hylendid personol rhagorol.
• Angen Hylendid Bwyd Lefel 2 fel isafswm
• Gwybodaeth drylwyr am gynhwysion ac alergennau ym mhob eitem fwydlen
• Gwaith tîm: Y gallu i weithio’n effeithiol fel rhan o dîm cegin.
• Dygnwch corfforol: Y dygnwch corfforol i ymdopi â gofynion amgylchedd cegin prysur.
• Sylw i fanylion: Manwl iawn wrth lanhau a pharatoi bwyd i sicrhau safonau uchel.
• Sgiliau Trefnu: Y gallu i gadw’r gegin a’i chyflenwadau wedi’u trefnu’n dda a’u rheoli’n effeithlon.

Mae CWMNI HYFFORDDIANT CAMBRIAN yn chwilio am Ddatblygwr Meddalwedd Raddedig i’w leoli yn ein prif swyddfa yn y Trallwng.

(Llawn Amser 37 awr yr wythnos) Ystod Gyflog: £28,500.00 y flwyddyn - £30,000.00 y flwyddyn yn dibynnu ar wybodaeth, sgiliau a chymwysterau Ein Stori Mae Cwmni Hyfforddiant Cambrian yn Ddarparwr Prentisiaethau Dysgu Seiliedig ar Waith blaenllaw sydd wedi darparu prentisiaethau o ansawdd uchel ledled Cymru ers dros 30 mlynedd. Rydym wedi dod yn Gwmni sy’n eiddo i’r gweithwyr yn ddiweddar, sy’n golygu bod gan y gweithwyr gyfran yn llwyddiant y busnes. Ein nod yw ymgysylltu â holl bobl ifanc, dysgwyr a chyflogwr trwy ddatblygu sgiliau unigolion trwy ddysgu a ffynnu trwy hyfforddiant a datblygu. Rydym wedi ennill enw da ledled Cymru am ddarparu rhaglenni hyfforddiant a datblygu o ansawdd uchel. YR HYN RYDYM YN CHWILIO AMDANO: Rydym yn awyddus i recriwtio Datblygwr Meddalwedd Graddedig i’w leoli yn ein Prif Swyddfa yn y Trallwng i gefnogi gweithrediadau technoleg a gofynion data cytundebol. Byddwch yn helpu i yrru gwelliant parhaus ac ansawdd mewn gweithrediadau dyddiol a gweithio ar draws amrywiaeth o brosiectau datblygu mewnol mewn amgylchedd cydweithredol a chyflym. Bydd eich cyfraniadau yn helpu adeiladu cymwysiadau effeithlon a gweledol sy’n ddeniadol sy’n cefnogi gweithrediadau mewnol a phrofiad cwsmeriaid. Byddwch yn gyfrifol am gynhyrchu adroddiadau gwybodaeth busnes SSRS o’n data MIS. Prif gyfrifoldebau:

• Cyflawni gwaith datblygu i’r fanyleb a dyddiadau cau.
• Cynorthwyo i ddatblygu cymwysiadau PHP/MySQL pwrpasol neu gymwysiadau tebyg.
• Creu a chynnal adroddiadau SSRS.
• Cynorthwyo gyda gwiriadau ansawdd data SQL wythnosol ac adolygu gwallau data gan sicrhau cywirdeb data yn ein system MIS.
• Cefnogi a chynnal cymwysiadau gwe fewnol y cwmni.
• Sicrhau bod arferion gorau yn cael eu defnyddio ar gyfer datblygu meddalwedd er mwyn creu cymwysiadau gwe ddibynadwy, ddiogel, effeithlon, sy’n gallu cael eu cynnal.
• Unrhyw ddyletswyddau eraill a gofynnwyd amdanynt gan y Dadansoddwr Gwybodaeth Technoleg a Rheoli Gwybodaeth.
• Cydweithio â rhanddeiliaid busnes i gasglu gofynion gweithredol a dyluniad systemau.

Cyffredinol:

• Gweithio’n ddiogel, ystyried diogelwch eraill a gweithio o fewn y canllawiau a nodir ym Mholisi Iechyd a Diogelwch y Cwmni.
• Sicrhau diogelwch holl asedau a data’r Cwmni.
• Gweithio’n hyblyg i gymhwyso amrywiadau wrth brosesu data.
• Cynrychioli Hyfforddiant Cambrian ar lefel leol a chenedlaethol i sicrhau hyder y cyhoedd/darparwyr a chynnal enw da a chydnabyddiaeth broffesiynol.
• Cyflwyno gwybodaeth i gefnogi’r gwaith o baratoi adroddiadau a dogfennau briffio i’r bwrdd a chyrff llywodraethu eraill.
• Cydymffurfio â pholisïau Diogelu'r Cwmni ar bob adeg.
• Cydymffurfio â pholisïau a deddfwriaeth Cydraddoldeb y Cwmni.
• Cefnogi gwerthoedd craidd y sefydliad.
• Mynychu unrhyw hyfforddiant / rhaglenni datblygiad personol priodol.

Gwybodaeth, sgiliau a galluoedd: Hanfodol:

• Gradd mewn Cyfrifiadureg neu radd debyg.
• Cymhwysedd gyda PHP, HTML, a CSS
• Dealltwriaeth o gronfeydd MySQL neu MS SQL ac ymholiadau SQL
• Sgiliau datrys problemau rhagorol gyda sylw i fanylion.
• Parodrwydd i ddysgu teclynnau digidol newydd a datblygu sgiliau personol.

Delfrydol:

• Profiad o ddosbarthu rhaglenni gwe gyda AWS
• Profiad gyda rhyngwyneb llinell orchymyn terfynell Linux
• Dealltwriaeth o API RESTful ac ôl-datblygu.
• Hyfedredd mewn JavaScript a fframweithiau modern (React, Vue, neu fframweithiau tebyg).
• Byddai trwydded yrru DU ddilys yn fanteisiol ond nid yn hanfodol.

Manteision Allweddol: Cyflog hyd at £30,000.00 y flwyddyn yn dibynnu ar wybodaeth, sgiliau a chymwysterau

• Hawliau gwyliau blynyddol hael o 25 diwrnod y flwyddyn yn y flwyddyn gyntaf o gyflogaeth, yn cynyddu i 28 diwrnod y flwyddyn ar ôl 12 mis o gyflogaeth, ynghyd â hawliau gwyliau banc ychwanegol.
• Cynllun Tâl Salwch y Cwmni ar ddiwedd eich cyfnod prawf.
• Cymorth lles ac iechyd meddwl.
• Cyfleoedd DPP parhaus.
• Cynllun pensiwn y cwmni.
• Darperir gliniadur a gwisg staff.

  Os oes gennych ddiddordeb mewn gwneud cais, yn y lle cyntaf, anfonwch eich CV a llythyr eglurhaol yn amlinellu pam rydych chi eisiau'r swydd a pham rydych chi’n teimlo y byddech chi’n ymgeisydd addas at: Stephen Bound (Rheolwr Cyffredinol) i'r e-bost canlynol: stephen@cambriantraining.com Ffôn: 01938 555 893 Mae Cwmni Hyfforddiant Cambrian yn gyflogwr cyfle cyfartal a hyderus o ran anabledd. Y dyddiad cau ar gyfer ceisiadau yw Dydd Iau 30ain Ebrill 2026. Disgwylir i gynnal cyfweliadau ym mis Mai 2026. Mae'r cwmni'n cadw'r hawl i gau'r swydd ar unrhyw adeg os ydym yn derbyn nifer fawr o geisiadau addas. Felly, rydym yn annog ceisiadau cynnar i sicrhau eich ystyriaeth ar gyfer y swydd.  

Ynglŷn â'r brentisiaeth

Dyletswyddau

Paratoi Bwyd: Golchi, plicio, torri a thorri ffrwythau, llysiau, a chynhwysion eraill yn ôl cyfarwyddyd y cogyddion. Glanhau a Glanweithdra: Cynnal glendid pob arwyneb cegin, offer, llestri a chyllyll a ffyrc, gan gadw at safonau hylendid llym. Golchi llestri: Golchi, sychu a storio'n iawn yr holl offer cegin, potiau, sbanau ac offer coginio. Rheoli Stoc: Derbyn, dadbacio a storio cyflenwadau bwyd a chynhwysion cegin eraill yn gywir. Mae hyn yn cynnwys gwirio dyddiadau gwerthu erbyn, cylchdroi stoc, a rheoli ystafelloedd storio. Gweithrediadau Cegin: Cadw amgylchedd y gegin yn lân, yn drefnus, ac yn ddiogel trwy ysgubo a mopio lloriau, sychu arwynebau, a gwaredu gwastraff. Cymorth Cogydd: Cynorthwyo cogyddion a chogyddion gydag unrhyw dasgau cegin eraill yn ôl yr angen, gan gynnwys helpu gyda pharatoi prydau bwyd sylfaenol neu gymryd cyfarwyddiadau.

Gwybodaeth ychwanegol

Strwythur Adrodd Byddwch yn adrodd yn uniongyrchol i'r Prif Gogydd. Yr hyn a gynigiwn Cyflog prentisiaeth cystadleuol Cyfran gyfartal o'r tipiau Cydbwysedd bywyd/gwaith Tîm cyfeillgar a chroesawgar Hyfforddiant gan Brif Gogyddion medrus iawn Bwyd a diod yn ystod y shifft

Gofynion

Sgiliau

• Hylendid: Ymrwymiad cryf i gynnal safonau diogelwch bwyd a hylendid personol rhagorol.
•  Gwaith tîm: Y gallu i weithio'n effeithiol fel rhan o dîm cegin.
• Dygnwch corfforol: Y dygnwch corfforol i ymdopi â gofynion amgylchedd cegin prysur.
• Sylw i Fanylion: Manwl iawn wrth lanhau a pharatoi bwyd i sicrhau safonau uchel.
• Sgiliau Trefniadol: Y gallu i gadw'r gegin a'i chyflenwadau wedi'u trefnu'n dda a'u rheoli'n effeithlon.

Cymwysterau

n/a

Language

Sgiliau siarad Cymraeg: Na

Sgiliau ysgrifennu Cymraeg: Na

Mae gan Llechwen Hall gyfle cyffrous i brentis cogydd ymuno â'u tîm. Swydd Wag: Prentis Cogydd Gwesty'r Neuadd Llechwen, Llanfabon, Nelson, Pontypridd CF37 4HP Trosolwg o'r rôl: Fel prentis cogydd, byddwch yn ennill profiad ymarferol yn y gegin ac yn gweithio ochr yn ochr â chogyddion profiadol i ddatblygu eich sgiliau coginio. Byddwch yn helpu paratoi bwyd, dysgu safonau diogelwch bwyd, a chymryd rhan mewn technegau coginio a threfnu cegin. Mae hwn yn gyfle gwych i gychwyn eich gyrfa yn y diwydiant lletygarwch. Cyfrifoldebau Allweddol:

• Cynorthwyo gyda pharatoi’r gegin yn barod i’r wasanaeth
• Cynorthwyo gyda pharatoi, coginio a gweini bwyd i safon uchel
• Dysgu gwybodaeth am ofynion dietegol a maethol
• Dysgu sut i sicrhau bod bwyd yn cael ei baratoi'n effeithlon ac yn gywir
• Cyfathrebu lefelau a phrinder pâr gyda'r rheolwyr cyn ac yn ystod y gwasanaeth
• Gwneud yn siŵr bod yr holl ddanfoniadau yn cael eu gwirio i’r safonau gywir a chynghori'r rheolwr o unrhyw broblemau
• Gwneud yn siŵr bod rheolau y cylchdro stoc cywir a dyddio bwyd yn cael eu dilyn
• Cofnodi'r holl wastraff bwyd yn gywir
• Cynnal gwiriadau tymheredd, a chofnodi gwybodaeth yn unol â safonau’r busnes
• Cymryd rhan yn y rota glanhau i wneud yn siŵr bod cefn y tŷ yn cael ei gadw'n lân ac yn daclus bob amser
• Cyfrannu at lwyddiant y busnes trwy gyflawni unrhyw gais rhesymol gan eich rheolwr
• Cau’r cegin ar ddiwedd y gwasanaeth

Gwybodaeth a sgiliau:

• Sgiliau cyfathrebu da
• Y gallu i weithio fel rhan o dîm ac yn annibynnol
• Y gallu i ddefnyddio menter
• Dilyn gyfarwyddiadau
• Sgiliau datrys problemau
• Cadw amser a rheoli amser
• Gweithio dan bwysau
• Parodrwydd i ddysgu a chymryd cyfarwyddiadau
• Yn barod i ddatblygu gwybodaeth am y diwydiant lletygarwch ac arlwyo

Amdanom ni: Wedi'i leoli ar ben bryn syfrdanol wedi'i amgylchynu gan olygfeydd gwych o gefn gwlad Cymru, mae Llechwen Hall Hotel yn un o'r cyfrinachau orau yng nghanol Cwm Cynon. Yn Llechwen, rydym yn angerddol am ddarparu bwyd eithriadol a chreu amgylchedd cyfeillgar i'n cwsmeriaid. Rydym yn ymfalchïo mewn safonau uchel, coginio arloesol, a gwaith tîm. Rydym yn chwilio am brentis gogydd i ymuno â'n tîm coginio a dysgu gweithrediadau cegin broffesiynol. Cymwysterau angenrheidiol: Mae agwedd a meddylfryd y Cogydd yn bwysicach. Gofynion y Gymraeg: Dim Cwrs Prentisiaeth: Prentisiaeth Sylfaen Lefel 2 mewn Coginio Proffesiynol Cyflog: Cyfraddau Prentisiaethau + budd-daliadau Oriau: 31-40 awr yr wythnos Trefniadau cyfweliad: Cyfarfod ar y safle Gwneud cais: I wneud cais, e-bostiwch eich CV i james.beccano@llechwenhall.co.uk

Prentis Cogydd The Old Black Lion Lion Street Hay-on-Wye HR3 5AD Dyletswyddau dyddiol: 

• Paratoi bwyd.
• Coginio a chefnogi gwasnaeth.
• Helpu gyda rheoli cynhwysion a chyflenwadau
• Gweithio gyda thîm cogyddion i ddatblygu bwydlenni.

Priodoleddau Personol Delfrydol:

• Unigolyn sydd ag angerdd am fwyd a choginio sy'n barod i ddysgu a datblygu sgiliau.
• Yn gallu gweithio mewn amgylchedd tîm arloesol a chyflym ac sy'n ddibynadwy ac yn gadarnhaol, gyda'r gallu i fod yn hyblyg yn eu horiau gwaith a'u cyfrifoldebau.
• Mae hunangymhelliant, gwytnwch a meddylfryd twf yn allweddol i gael y gorau o'r cyfle i weithio yn ein cegin.

Gwybodaeth Ychwanegol Rydym yn gegin Rosette 2 AA gyda chogyddion ymroddedig sy'n rhedeg cegin broffesiynol ac effeithiol. Mae ein tîm o gogyddion yn brofiadol ac yn gallu cynnig llawer i rywun sydd eisiau gyrfa yn y diwydiant. Bydd cefnogaeth o fewn y rôl i sicrhau bod y cogydd yn gallu gwneud y mwyaf o'r cyfle. Bydd buddion staff ar gael ar ben y cyflog. Cwrs prentisiaeth: Coginio Proffesiynol Lefel 2 Tal: Cyfraddau Prentisiaethau a buddion Oriau: 31-40 awr yr wythnos Trefniadau cyfweliadau Cyfarfod ar Y Safle Gwneud Cais: Anfonwch eich CV i info@oldblacklion.co.uk

Prentisiaeth Gweithgynhyrchu - CDT Sidoli (Y Trallwng) CDT Sidoli Ltd, Henfaes Lane, Y Trallwng, Powys, SY21 7BE Dyletswyddau:

• Gweithio ar y llinellau gweithgynhyrchu ar draws y gwaith gweithgynhyrchu sy'n cynhyrchu pwdinau o ansawdd uchel.
• Dysgu tasgau a sgiliau ychwanegol ym mhob maes o'r gwaith gweithgynhyrchu. 
• Helpu i gyflawni cynlluniau cynhyrchu dyddiol gan sicrhau bod safonau ansawdd yn cael eu bodloni. 
• Gweithredu a rhedeg peiriannau yn ardal y ffwrn i gynhyrchu cymysgeddau, gan ddilyn ryseitiau a manyleb cynnyrch, a sicrhau bod yr holl brosesau cywir yn cael eu dilyn. 
• Cydymffurfio â pholisi a gweithdrefnau ansawdd y cwmni, yn benodol gwiriadau iechyd a diogelwch.
• Dilyn y pwyntiau rheoli critigol perthnasol yn y broses, er enghraifft blawd hidlo.
• Deall pwysigrwydd rheoli alergenau. 
• Gweithredu a rhedeg ffyrnau, a gallu perfformio gwaith cynnal a chadw cyffredinol (glanhau ac ati).
• Deall sut i addasu amseroedd a thymheredd pobi yn seiliedig ar wahanol gynhyrchion a gwahaniaethau tymhorol ar gynhyrchion. 
• Cwblhau ac addurno cacennau â llaw i fanyleb cynnyrch.

Priodoleddau personol delfrydol:   

• Rydym yn chwilio am bobl sydd â'r gallu i weithio fel rhan o dîm yn ogystal â gweithio ar eich liwt eich hunain. 
• Rhywun sy'n hyblyg ac yn gallu gweithio ar draws ystod o wahanol feysydd cynhyrchu gan ennill sgiliau o ansawdd da trwy gydol y gweithgaredd gweithgynhyrchu. 
• Mae sgiliau cyfathrebu da yn bwysig a'r gallu i gyfathrebu ar bob lefel, yn ogystal â bod â lefel sylfaenol dda o lythrennedd a rhifedd. 
• Rydym yn chwilio am bobl sydd ag uchelgais ac eisiau dysgu am bob adran gweithgynhyrchu a symud ymalen yn y busnes.
• Pobl sydd eisoes â rhai o'r sgiliau yr ydym yn chwilio amdanynt ac sydd am allu symud ymlaen o fewn gweithrediad gweithgynhyrchu sefydledig.

  Cymhwyster(au) Angenrheidiol:  TGAU Lefel C mewn Saesneg a Mathemateg. Bydd unrhyw brofiad blaenorol o bobi neu weithgynhyrchu yn ddefnyddiol ond nid yn hanfodol.    Anghenion y Gymraeg:  Sgiliau llafar Cymraeg: Na Sgiliau ysgrifenedig Cymraeg: Na   Cwrs prentisiaeth: Medrusrwydd mewn Gweithrediadau Bwyd a Diod Lefel 2  Tal Cyfraddau prentisiaethau. Oriau: 31-40 awr yr wythnos Trefniadau cyfweliad: Cyfweliad dros y ffôn a chyfweliad wyneb i wyneb. Gwneud Cais: Bydd cyfweliad dau gam, bydd y cam cyntaf naill ai’n wyneb yn wyneb neu ar-lein. Bydd yr ail gam ar y safle ac yn cynnwys rhai agweddau ymarferol.  I wneud cais:  Anfonwch eich CV i -  sianlevans@sidoli.co.uk / bdavies@sidoli.co.uk