Ydych chi’n gwneud cais am swydd newydd, neu efallai dim ond eisiau adnewyddu eich CV? Dyma rai awgrymiadau ar gyfer ysgrifennu’r CV gorau…
1. Crëwch fformat taclus a phroffesiynol. O’i weld ar ddesg ymysg rhai eraill, rydych eisiau i’ch tudalen A4 edrych yn daclus, yn drefnus, heb ormod o eiriau… a sefyll allan!
2. Osgowch luniau, clipluniau, borderi a baneri. Yn gyffredinol, mae’r mathau hyn o nodweddion yn gwneud i’r CV edrych yn llai proffesiynol.
3. Mae llai yn fwy. Dylai eich CV fod un neu ddwy dudalen o hyd yn unig… Mae mwy na dwy dudalen yn golygu bod eich CV yn llai tebygol o gael ei ystyried. Gall fod yn annymunol i gyflogwr os yw’n gweld eich CV fel nofel!
4. Peidiwch â chynnwys eich oedran na’ch dyddiad geni. Byth!
5. Byddwch yn ymwybodol bod CV yn cael ei weld yn feirniadol. Dylech osgoi datganiadau y gellir eu camddehongli, er enghraifft, “yn mwynhau mynd allan efo ffrindiau”, gellir ei ddarllen fel “anifail parti a fydd â gormod o ben mawr i weithio”.
6. Gwiriwch, a’i wirio eto. Os oes gennych chi sgiliau sillafu gwael, dylech gael rhywun arall i edrych drosto. Nid yw camgymeriadau sillafu yn golygu y byddech o reidrwydd yn weithiwr gwael, ond mae’n awgrymu nad ydych wedi trafferthu i wirio eich gwaith. Os byddwch yn disgrifio’ch hun fel rhywun diwyd neu sy’n rhoi sylw da i fanylion, bydd pobl yn dwyn sylw at eich camgymeriadau.
7. Rhowch hwb i ddisgrifiadau. Yn hytrach na disgrifio eich dyletswyddau yn unig, ceisiwch gynnwys geiriau sy’n gwneud i chi swnio fel ymgeisydd da. Mae “wedi fy nghyflogi fel cynorthwyydd mewn siop” yn newid i “YMDDIRIEDWYD ynof i gynghori cwsmeriaid.”
8. Nodwch sgiliau meddal. Peidiwch â phoeni os oes gennych addysg neu gymwysterau cyfyngedig. Mae cyflogwyr angen sgiliau bywyd fel cadw amser da a phobl sydd wedi dangos cyfrifoldeb. Os ydych wedi mynychu’n rheolaidd i hyfforddi tîm pêl-droed plant, mae hynny’n dangos ymroddiad ac ymdrech – cofiwch ei gynnwys.
9. Cynhwyswch lythyr eglurhaol pan allwch. Mae CV da yn tueddu i gynnwys rhestrau o bethau rydych chi wedi’u gwneud, mae llythyr eglurhaol yn caniatáu i ychydig mwy o angerdd ymddangos. Mae hefyd yn rhoi cyfle i chi esbonio seibiannau gyrfa fel nad yw’ch CV yn cael ei ddiystyru ar unwaith.
10. Ceisiwch gael adborth bob amser, p’un a ydych yn cael cyfweliad ai peidio. Yna GWRANDEWCH arno.