(Llawn Amser 37 awr yr wythnos)

Cyflog – Hyd a £27,000.00 y flwyddyn

Os ydych yn angerddol am Reoli Manwerthu, byddem wrth ein bodd yn clywed gennych

Ein Stori

Ein nod yw ymgysylltu a holl bobl ifanc, dysgwyr a chyflogwr, wrth gefnogi unigolion i ffynnu trwy hyfforddiant a datblygiad. Rydym wedi ennill enw da ledled Cymru am ddarparu rhaglenni hyfforddi a datblygu o ansawdd uchel sydd, yn eu tro, yn cefnogi’r sector twristiaeth sy’n tyfu.

BETH RYDYM YN CHWILIO AMDANO:

Rydym yn awyddus i recriwtio Swyddog Hyfforddi medrus i ymuno â’n tîm darparu dysgu Rheoli Manwerthu sy’n tyfu.

Bydd gan yr ymgeisydd delfrydol profiad rheoli llinell mewn amgylchedd manwerthu a’r gallu i addysgu a datblygu prentisiaid a gyflogir yn y sector. Mae hunan gymhelliant, brwdfrydedd, gweithio annibynnol a gwaith tîm yn hanfodol ar gyfer y rôl hon, ochr yn ochr â sgiliau rhyngbersonol a chyfathrebu da.

Byddwch yn gweithio’n uniongyrchol gyda chyflogwyr a phrentisiaid o bob oed, felly mae’n rhaid i’r gallu i ysgogi unigolion a’u cefnogi i gyflawni nodau y cytunwyd arnynt fod yn un o’ch priodoleddau, gan feddu ar sgiliau rhyngbersonol a chyfathrebu gwych yn ogystal â gyrru i lwyddo.

Yn y pen draw, byddwch yn cael llawer iawn o foddhad swydd drwy ddysgu’ch prentisiaid i gyflawni eu Cymwysterau NVQ Manwerthu Lefelau 2 i 4.

Gallwch ddisgwyl cyflwyno addysgu a dysgu yn y gweithle o ddydd i ddydd, gan drosglwyddo eich gwybodaeth a’ch profiad yn ogystal â chynnal asesiadau, cynorthwyo prentisiaid wrth iddynt baratoi eu portffolio o dystiolaeth, a chynnal cofnodion cynnydd.

Yn yr un modd, bydd disgwyl i chi gefnogi dysgwyr i wella eu llythrennedd, rhifedd a sgiliau digidol, a hyrwyddo’r defnydd o’r Gymraeg lle bynnag y bo modd.

Mae’n ofyniad i feddu ar drwydded yrru ddilys gyfredol, a mynediad i’ch cludiant eich hun gan fod teithio yn hanfodol i’r swydd.

DYLECH:

• Bod ag o leiaf 3 blynedd o brofiad o weithio yn y sector Rheoli Manwerthu ar lefel rheolwr uwch / canol.
• Bod â chymwysterau Rheoli Manwerthu ar Lefel 4 neu fod yn gyfarwydd â nhw.
• Bod â phrofiad o arwain tîm, neu oruchwylio eraill.
• Meddu ar sgiliau rheoli amser a threfnu gwych.
• Bod â lefel dda o sgiliau TG a’r gallu i ddysgu meddalwedd newydd.
• Meddu ar TGAU A* – C / 9 – 4 mewn Saesneg a Mathemateg neu lefel 2 gyfatebol.

BYDDAI’N WYCH PE BAECH CHI:

• Yn gallu siarad Cymraeg, neu fod yn barod i’w ddysgu.
• Yn meddu ar wobr aseswr D32/D33, TAQA neu A1.
• Yn gyfarwydd â chymwysterau Rheoli Manwerthu ar Lefel 4.

CYFRIFOLDEBAU ALLWEDDOL:

• Darparu addysgu a dysgu allweddol i lwyth achos o ddysgwyr yn y gweithle.
• Datblygu sgiliau, gwybodaeth a dealltwriaeth y dysgwr.
• Cynllunio a chynnal asesiadau i ddiwallu anghenion cymwysterau, gan gynnwys wyneb yn wyneb ac ar-lein.
• Cynnal cofnodion dysgwyr o asesiadau a chynnydd.
• Ymgysylltu â chyflogwyr a dysgwyr posibl i nodi cyfleoedd newydd.
• Gweithio gydag adrannau eraill o fewn Hyfforddiant Cambrian i sicrhau bod dysgwyr yn gallu cwblhau eu rhaglenni prentisiaeth ar amser.

MANTEISION ALLWEDDOL:

• Ystod gyflog £25,000.00 (digymwys) – £27,000.00 (cymwys) y flwyddyn.
• Hawliau gwyliau’r Banc a gwyliau blynyddol hael.
• Cynllun Tâl Salwch Cwmni ar ddiwedd y cyfnod prawf.
• Cefnogaeth iechyd meddwl a lles.
• Cyfleoedd DPP parhaus.
• Cynllun pensiwn cwmni.
• Darperir gwisg staff, gliniadur a ffôn symudol.
• Defnydd o Geir y Cwmni.

Os oes gennych ddiddordeb mewn gwneud cais, yn y lle cyntaf, anfonwch eich CV a’ch llythyr eglurhaol yn amlinellu pam rydych eisiau’r swydd a pham rydych yn teimlo eich bod yn ymgeisydd addas i:

Stephen Bound (Rheolwr Cyffredinol) i’r e-bost canlynol:

Bydd angen i chi gofrestru fel Ymarferydd Dysgu Seiliedig ar Waith gyda Chyngor y Gweithlu Addysg.

Bydd angen datgeliad DBS ehangach ar draul y cyflogwr.

Mae Cwmni Hyfforddiant Cambrian yn gyflogwr cyfle cyfartal a hyderus o ran anabledd.

Y dyddiad cau ar gyfer ceisiadau yw: Dydd Llun 13eg o Hydref 2025.

Mae’r cwmni’n cadw’r hawl i gau’r swydd ar unrhyw adeg os ydym yn derbyn nifer fawr o geisiadau addas. Felly, rydym yn annog ceisiadau cynnar i sicrhau eich ystyriaeth ar gyfer y swydd.