Fel darparwr hyfforddiant seiliedig ar waith blaenllaw, mae Cwmni Hyfforddiant Cambrian yn meithrin y genhedlaeth nesaf o weithwyr lletygarwch a gweithwyr coginio proffesiynol. Rydym wedi bod yn siarad â’n prentisiaid ym mwyty Chartists 1770 yn y Trewythen i ddweud wrthym pa waith o ddydd i ddydd sydd gan gogydd ar brentisiaeth.
Mae’r busnes yn cyflogi wyth prentis sy’n cynnwys tîm o bedwar cogyddion ar brentisiaeth a phedwar prentis blaen tŷ. Mae prentisiaid Rosie a Gabrielle yn gweithio tuag at gwblhau eu Lefel 3 mewn Coginio Proffesiynol. Tra bod prentisiaid Owen a Toyah, a ymunodd â’r bwyty ar ôl gadael yr ysgol yn 16 oed, yn astudio ar gyfer eu Lefel 2 mewn Coginio Proffesiynol.
Mae’r diwrnod yn dechrau’n gynnar tua 7yb, gyda’r dasg gyntaf o’r dydd, coginio brecwast Cymreig enwog y Chartists 1770 sy’n cynnwys bacwn, selsig ac wyau wedi cyrchu’n lleol ar gyfer gwesteion Trewythen.
Unwaith y bydd y gwasanaeth brecwast wedi’i gwblhau, bydd y prentisiaid yn dechrau paratoi ar gyfer y diwrnod i ddod. Mae cacennau a nwyddau wedi’u pobi; cinio a byrbrydau bar; te prynhawn a chinio gyda’r nos i gyd ar y fwydlen. Yn y Chartists 1770 mae’r holl fwyd yn cael ei baratoi a’i goginio’n fewnol ac mae’r cogyddion ar brentisiaeth yn dysgu’r sgiliau angenrheidiol.
“Mae ein cogyddion yn dysgu sut i greu popeth yn fewnol o fara, sawsiau, teisennau crwst, pwdinau a hufen iâ, yn ogystal â phrydau mwy cymhleth,” meddai Jamie Tully, Cogydd Gweithredol y Chartists 1770 yn y Trewythen.
Mae nifer o wahanol doriadau cig wedi’u cynnwys ar y fwydlen ac fel rhan o’u hyfforddiant mae’r cogyddion ar brentisiaeth yn dysgu sgiliau cigyddiaeth gwerthfawr. Yn ogystal â dysgu sut i baratoi a choginio’r cynhwysion, mae’r prentisiaid yn dysgu sut i greu bwydlen a phâr cig a physgod gyda’r llysiau a’r bwyd tymhorol cywir.
Mae pob prentis yn y busnes wedi derbyn cefnogaeth o’n swyddogion hyfforddi medrus, sy’n cynnig gwybodaeth werthfawr am y diwydiant i helpu ein dysgwyr i ennill cymwysterau achrededig. Dywedodd Will Richards, swyddog hyfforddi Cambrian sy’n gweithio gyda’n prentisiaid yn y Trewythen: “Mae cefnogi prentisiaid yn y Trewythen a’u gweld yn datblygu ac yn ehangu eu sgiliau a’u gwybodaeth wedi bod yn brofiad adfywiol iawn.”
Fe wnaeth hefyd ganmol y busnes drwy ddweud: “Harddwch y rhaglen brentisiaethau yw pan nad yw’r dysgwyr yn gweithio gyda mi, eu bod yn cwmpasu ystod o sgiliau a phrydau sydd gan y Trewythen ar draws yr ystod fwydlen. Mae hyn wir yn pwysleisio budd a gwerth yr ethos busnes o gael eu harwain gan brentisiaid.”
Yn ogystal â gweithio tuag at gyflawni eu cymwysterau coginio proffesiynol, mae’r prentisiaid yn cael profiad uniongyrchol o goginio mewn cegin weithredol, a dysgu sgiliau bywyd pwysig, fel sut i weithio mewn tîm, rheoli amser a gweithio dan bwysau.
O ganlyniad i’w gwaith caled a chymorth swyddogion hyfforddi Cambrian, bydd dau o’u prentisiaid yn cystadlu yn rownd derfynol World Skills UK. Bydd Abbigail Howes yn cystadlu yn Rownd Derfynol Gwasanaethau Bwyty a bydd Gabrielle Wilson yn cystadlu yn Rownd Derfynol Sgiliau Coginio.
Mae gwaith Gabrielle gyda’r bwyty bellach wedi cyflwyno profiad amhrisiadwy, sef cael y cyfle i gynnal ei dangosiad cogydd cyntaf – gwneud cremeaux siocled, i gynulleidfa orlawn yn Ffair Hydref Canolbarth Cymru ar Faes Sioe Frenhinol Cymru.
Ynglŷn â’u profiad o hyfforddi yn Chartists 1770, dywedodd Owen, sy’n siarad ar ran y grŵp: “Mae gweithio yn Chartists 1770 a gweithio’n agos gyda Jamie, ein Cogydd Gweithredol, wedi ein galluogi i ddatblygu ein sgiliau fel cogyddion, ac rydym yn dysgu sut i greu pethau newydd bob dydd.”
Mae rhaglenni prentisiaethau Cwmni Hyfforddiant Cambrian yn darparu profiad gwerthfawr yn y gwaith i’n prentisiaid, sydd wedi eu galluogi i ffynnu yn eu gweithle. Os oes gennych ddiddordeb mewn dechrau eich gyrfa drwy ein prentisiaethau, cysylltwch â’n tîm ymroddedig. E-bost: info@cambriantraing.com neu Ffôn: 01938 555 893.
Fel arall, gallwch chwilio ein gwagleoedd swyddi i’ch helpu i ddarganfod y cyflogwr a’r brentisiaeth gywir i chi.
Mae’r rhaglen brentisiaethau yng Nghymru wedi cael ei hariannu gan Lywodraeth Cymru gyda chymorth Cronfa Gymdeithasol Ewrop.