Dathlodd tad a mab lwyddiant dwbl yng ngwobrau blynyddol mawreddog darparwr dysgu seiliedig ar waith blaenllaw yng Nghymru.
Enwyd Andrew Addis-Fuller, swyddog hyfforddi lletygarwch Cwmni Hyfforddiant Cambrian, yn Ymarferydd y Flwyddyn yn y Gwobrau Prentisiaethau, Cyflogwyr a Sgiliau a drefnwyd gan y darparwr dysgu a’i bartneriaid.
Enillodd ei fab, Oliver, rheolwr bar a digwyddiadau yn y Glyn Clydach, Castell-nedd, sy’n gweithio tuag at Brentisiaeth Goruchwylio ac Arwain Lletygarwch Lefel 3, Gwobr Unigolyn Rhagorol y Flwyddyn.
Mae’r gwobrau a ddewiswyd gan banel o feirniaid annibynnol yn cydnabod cyflawniadau rhagorol cyflogwyr, dysgwyr ac ymarferwyr o bob cwr o Gymru sydd wedi rhagori mewn rhaglenni prentisiaethau a ddarperir gan Gwmni Hyfforddiant Cambrian, sydd wedi’i lleoli yn y Trallwng, a’i bartneriaid.
Roedd saith ar hugain ar y rhestr fer – tri ym mhob un o’r naw categori – y seremoni wobrwyo a gynhaliwyd yng Ngwesty’r Metropole, Llandrindod.
Trwy ei rwydwaith o bum swyddfa ledled Cymru, Cwmni Hyfforddiant Cambrian yw’r prif ddarparwr annibynnol o brentisiaethau i’r diwydiannau lletygarwch a gweithgynhyrchu bwyd a diod.
Mae’r cwmni a’i bartneriaid hefyd yn darparu prentisiaethau arwain a rheoli, manwerthu, gweinyddu busnes, gwasanaeth cwsmeriaid, rheoli adnoddau cynaliadwy, iechyd, gofal cymdeithasol a blynyddoedd cynnar, gwaith barbwr a thrin gwallt, a hamdden egnïol.
I nodi dathliadau pen-blwydd Cwmni Hyfforddiant Cambrian yn 30 oed, cyflwynwyd Gwobr Cyflawniad Oes arbennig i Arwyn Watkins, OBE, cyn rheolwr gyfarwyddwr a chadeirydd gweithredol Cwmni Hyfforddiant Cambrian a llywydd Cymdeithas Goginiol Cymru. Cafodd ei anrhydeddu am oes o arweinyddiaeth weledigaethol a drawsnewidiodd brentisiaethau, datblygu sgiliau a’r sector lletygarwch ledled Cymru. Mae ei ymrwymiad diwyro i feithrin talent, hyrwyddo bwyd a diod o Gymru a dyrchafu Cymru ar y llwyfan coginio byd-eang wedi gadael etifeddiaeth barhaol a fydd yn ysbrydoli’r cenedlaethau i ddod.
Enillodd Penycae Inn, ym Mhenycae, ger Abertawe, a’r gweithiwr Aaron Jones, gweinydd blaen y tŷ, Gwobrau Cyflogwr Bach a Phrentis y Flwyddyn. Cyflawnodd Aaron llwyddiant dwbl, ar ôl ennill Gwobr Cydnabyddiaeth Arbennig Unigolyn Rhagorol y llynedd.
Ychwanegodd Adam Pike, cogydd ym Mhant yr Ochain, Gresffordd, Gwobr Prentis Sylfaen y Flwyddyn at ei restr gynyddol o anrhydeddau. Enillodd fedal aur yng nghystadleuaeth celfyddydau coginio ac a enillodd y prentis gorau yn rhanbarth Canolbarth Cymru yng Nghystadleuaeth Sgiliau Cymru eleni. Roedd hefyd ar y rhestr fer ar gyfer y Wobr Unigolyn Rhagorol.
Roedd Samantha Stenhoff, Ysgol Pen Coch, y Fflint, yn fuddugol dros ei chyd-ddirprwy pennaeth, Rebecca Kirkpatrick, i ennill gwobr Prentis Uwch y Flwyddyn. Yr unigolyn arall a gyrhaeddodd y rownd derfynol oedd Chris Prendergast, rheolwr gosodion yn Lloyd Morris Electrical, Wrecsam.
Casglodd Jasmine Miles, cydlynydd y Gymraeg yn Green Giraffe Nursery, Caerdydd, Gwobr Llysgennad Cymraeg y Flwyddyn.
Aeth Gwobr Cyflogwr Canolig y Flwyddyn i Farmers Pantry, Llanilltud Fawr, ac enwyd Farmfoods yn Gyflogwr Mawr y Flwyddyn.
Y rhai a gyrhaeddodd y rownd derfynol oedd:
Prentis Sylfaen y Flwyddyn: Ashley Watkins, cogydd yn Coldra Court Hotel, Casnewydd, a Jacob Doggett, cogydd yn George IV Inn, Cwm-twrch Uchaf, Cwmllynfell.
Prentis y Flwyddyn: Ellen Whitehouse, arweinydd a hyfforddwr yn Safle Parc Cenedlaethol Bluestone, Arberth, a Louise Mead, hyfforddwr personol yn Evo Fit, Cross Hands.
Unigolyn Rhagorol y Flwyddyn: Sophie Lawrence, rheolwr siop Boots yn yr Eglwys Newydd, Caerdydd.
Ymarferydd y Flwyddyn: Melanie Canning, swyddog hyfforddi lletygarwch, a Sharon Roberts, swyddog hyfforddi gweithgynhyrchu bwyd a diod, y ddwy o Gwmni Hyfforddiant Cambrian.
Llysgennad Cymraeg y Flwyddyn: Dyfan James, cigydd yn Ken Davies Butchers, Crymych, ac Olivia Browning, swyddog hyfforddiant yng Nghlybiau Plant Cymru Kids’ Club, Caerdydd.
Cyflogwr Bach y Flwyddyn: KC Accountancy Services, Llanfyllin a Pontcysyllte Chapel Tea Room, Dyfrbont Pontcysyllte, Llangollen.
Cyflogwr Canolig y Flwyddyn: Amberleigh Care, y Trallwng a Thŷ Llandaf Care Home, Caerdydd.
Cyflogwr Mawr y Flwyddyn: Kepak, Merthyr Tudful, a Morrisons, Cymru gyfan.
Dywedodd Faith O’Brien, rheolwr gyfarwyddwr Cwmni Hyfforddiant Cambrian: “Llongyfarchiadau i’r holl enillwyr a’r rhai a gyrhaeddodd y rownd derfynol. Mae pob un ohonynt wedi dangos ymroddiad, gwydnwch, a thwf ac mae’n wych gweld eu cyflawniadau yn cael eu cydnabod.
“Mae ein gwobrau’n anrhydeddu nid yn unig y prentisiaid a’r cyflogwyr, ond hefyd y teuluoedd, cydweithwyr, a mentoriaid sydd wedi eu cefnogi ar hyd y ffordd. Gyda’i gilydd, maent yn dangos y rôl allweddol y mae prentisiaethau’n ei chwarae wrth gryfhau economi Cymru a gosod y safon aur ar gyfer dysgu seiliedig ar waith.”
Pennawd Llun:
Enillwyr Gwobrau Prentisiaethau, Cyflogwyr a Sgiliau Hyfforddiant Cambrian 2026.
Enillwyr Tad a mab Ymarferydd y Flwyddyn ac Unigolyn Rhagorol y Flwyddyn Andy ac Oliver Addis-Fuller.
Ends
I gael rhagor o wybodaeth, cysylltwch ag Alison Collingridge, rheolwr marchnata Cwmni Hyfforddiant Cambrian, ar ffôn: 01938 555893, neu Duncan Foulkes, cynghorydd cysylltiadau cyhoeddus, ar ffôn: 01686 650818