Taith Prentisiaeth Alex Hogg
Yng Nghwmni Hyfforddiant Cambrian, rydym yn falch iawn o ddathlu cyflawniad eithriadol Alex Hogg, sydd wedi cwblhau Gradd Prentisiaeth gyda’r Brifysgol Agored, gan raddio gydag Anrhydedd Dosbarth Cyntaf mewn Peirianneg Meddalwedd Gymhwysol.
Mae Alex, 43, wedi bod yn aelod gwerthfawr o’n tîm yn y Trallwng ers 17 mlynedd. Mae ei daith yn ymgorffori’r gorau o ddysgu seiliedig ar waith – gan gyfuno ymroddiad personol, twf proffesiynol ac effaith drawsnewidiol buddsoddi mewn pobl.
Gan gydbwyso ei gyfrifoldebau mewn rheoli TG a dadansoddi data gyda phedair blynedd o astudiaeth academaidd wythnosol, mae Alex wedi dangos ymrwymiad rhyfeddol i ddysgu gydol oes. Mae ei lwyddiant yn adlewyrchu ei benderfyniad a’n hethos o feithrin talent o’r tu mewn.
Trwy gydol ei astudiaethau, cymhwysodd Alex ei ddysgu yn uniongyrchol i’n busnes, gan ddatblygu cymwysiadau meddalwedd pwrpasol sydd wedi symleiddio prosesau mewnol – o dreuliau i deithio – gan arbed amser staff a gwella effeithlonrwydd. Mae ei rôl yn ganolog i’n llwyddiant gweithredol, gan sicrhau dadansoddiad ac adrodd data cywir i gwrdd â’n contract prentisiaeth gwerth £8 miliwn gyda Llywodraeth Cymru.
Wrth fyfyrio ar ei gyflawniad, dywedodd Alex:
    “Doeddwn i ddim yn meddwl fy mod i’n academaidd ac roeddwn i’n synnu i gael anrhydedd dosbarth cyntaf. Gan fy mod i’n eithaf trefnus, roedd yn fater o fodloni’r dyddiadau cau a’r meini prawf. Mae’r radd yn meincnodi fy sgiliau ac yn rhoi hwb hyder gwirioneddol i mi.”
Mae ei rôl yn ganolog i lwyddiant gweithredol y cwmni, gan sicrhau dadansoddi data ac adrodd cywir i fodloni contract prentisiaeth gwerth £8 miliwn gyda Llywodraeth Cymru.
“Pan ddechreuais, roedd y contract yn llai na £1 miliwn,” myfyriodd. “Nawr, rydym yn dibynnu ar ddata amser real i lywio penderfyniadau buddsoddi a darparu hyfforddiant a mentora o ansawdd uchel i unigolion, busnesau a chymunedau.”
Dywedodd ein Rheolwr Gyfarwyddwr, Faith O’Brien:
“Allwn ni ddim bod yn fwy balch o Alex a’r cyfan mae ef wedi’i gyflawni. Mae ei ymrwymiad, ei chwilfrydedd a’i benderfyniad tawel yn enghraifft wych o beth yw dysgu seiliedig ar waith. Yn Hyfforddiant Cambrian, rydym yn credu mewn tyfu ein hunain – buddsoddi mewn pobl, meithrin talent a chreu lle ar gyfer dysgu gydol oes. Mae taith Alex yn dangos effaith ddofn prentisiaethau, datgloi potensial, adeiladu hyder, a darparu manteision gwirioneddol, parhaol, ar draws y busnes. Mae wedi bod yn fuddugoliaeth i Alex, y tîm a dyfodol ein sefydliad.”