Llwyddiant dwbl wrth i dad a mab ennill gwobrau Cwmni Hyfforddiant Cambrian

Roedd Andrew Addis-Fuller a’i fab, Oliver, yn enillwyr yng Ngwobrau Prentisiaethau, Cyflogwyr a Sgiliau Cwmni Hyfforddiant Cambrian, darparwr dysgu seiliedig ar waith blaenllaw.

Enwyd Andrew Addis-Fuller, swyddog hyfforddi lletygarwch Cwmni Hyfforddiant Cambrian, yn Ymarferydd y Flwyddyn yn y seremoni gwobrwyo a drefnwyd gan ei gyflogwr a’i bartneriaid dysgu seiliedig ar waith.

Enillodd ei fab, Oliver, rheolwr bar a digwyddiadau yn y Glyn Clydach, Castell-nedd, sy’n gweithio tuag at Brentisiaeth Goruchwylio ac Arwain Lletygarwch Lefel 3, Gwobr Unigolyn Rhagorol y Flwyddyn.

Mae’r gwobrau a ddewiswyd gan banel o feirniaid annibynnol yn cydnabod cyflawniadau rhagorol cyflogwyr, dysgwyr ac ymarferwyr o bob cwr o Gymru sydd wedi rhagori mewn rhaglenni prentisiaethau a ddarperir gan Gwmni Hyfforddiant Cambrian, sydd wedi’i lleoli yn y Trallwng, a’i bartneriaid.

Roedd saith ar hugain ar y rhestr fer – tri ym mhob un o’r naw categori – y seremoni wobrwyo a gynhaliwyd yng Ngwesty’r Metropole, Llandrindod Wells.

Yn ei enwebiad, disgrifiwyd Andrew fel “ymarferydd eithriadol” ac mae ei arbenigedd a mentoriaeth yn cael effaith trawsnewidiol ar ei brentisiaid. “Gyda mwy na 30 mlynedd o brofiad fel cogydd proffesiynol, mae’n dod â hygrededd a mewnwelediad yn y byd go iawn y mae dysgwyr a chyflogwyr yn gwerthfawrogi,” meddai’r enwebiad.

Mae ei ddull sy’n canolbwyntio ar y dysgwr wedi cefnogi llwyddiant arobryn, gan gynnwys arwain Cameron Long, o Elite Clothing Solutions, Glynebwy, i ddod yn Brentis Sylfaen y Flwyddyn 2025. Mae hefyd wedi helpu eraill i gyflawni canlyniadau canmoliaeth uchel yng Nghelfyddydau Coginio yng Nghystadleuaeth Sgiliau Cymru. 

Mae dylanwad Andrew yn ymestyn yn genedlaethol trwy ei waith ar Ymgyrch Sgiliau Ôl-16 Cwmni Hyfforddiant Cambrian, ei lwyfannau cyfryngau cymdeithasol Fuller Flavour a beirniadu cystadlaethau mawr.

Roedd hefyd yn Llysgennad Cymraeg i Gogyddion Ifanc y Byd yng Nghyngres ac Expo Worldchefs 2026 y mis diwethaf a gynhaliwyd yn ICC Cymru, Casnewydd.

Dywedodd Andrew: “Doeddwn i ddim yn disgwyl ennill y wobr oherwydd roeddwn i’n meddwl bod pobl fwy haeddiannol, ond rwy’n ei gwerthfawrogi cymaint. Rwy’n wrth fy modd â’r diwydiant hwn, y gwaith rwy’n ei wneud a’r bobl rwy’n gweithio gyda nhw yng Nghwmni Hyfforddiant Cambrian ac rwy’n gobeithio bod hynny’n dangos yn fy mrwdfrydedd.

“Mae’n rhaid i mi ddiolch i’m gwraig gefnogol, Gemma, sy’n mynd i fod yn siomedig nad yw hi yma i weld Oliver a minnau’n derbyn y gwobrau heno.”

Mae Oliver wedi rhagori yn ei brentisiaeth ac yn cael effaith cadarnhaol yn y busnes lle mae’n gweithio, gan ddod yn rheolwr bar a digwyddiadau yn 19 oed a chyflawni effeithlonrwydd sylweddol, arbed costau a gwelliannau marchnata yn y Glyn Clydach. 

Cyflwynodd system rheoli stoc newydd a hanerodd amser cymryd stoc a gwella cywirdeb ariannol, trefnodd ymgyrchoedd marchnata newydd, wrth i’w arweinyddiaeth cryfhau cyflwyno digwyddiadau heriol, gan gynnwys arddangosfa dylanwadwyr Cygnet Gin proffil uchel.

Cynrychiolydd Cwmni Hyfforddiant Cambrian mewn digwyddiad yn y Senedd, gan ddangos hyder a phroffesiynoldeb. Ochr yn ochr â’i rôl heriol, mae’n chwarae rygbi ar gyfer Clwb Rygbi Glyn-nedd, gan ddangos disgyblaeth, gwydnwch, aeddfedrwydd ac ymdrech eithriadol.

Dwedodd Oliver: “Rydw i wrth fy modd i fod wedi ennill y wobr yn erbyn yr ymgeiswyr cryf eraill. Mae’n dangos y gwaith caled sydd angen i fod yn brentis wrth gyfuno gwaith a rygbi.

“Es i i’r brifysgol am ychydig o fisoedd ond nid oedd yn addas i mi. Mae prentisiaeth yn dysgu’r sgiliau sydd eu hangen arnoch i lwyddo yn eich diwydiant dewisol ac yn eich helpu i dyfu’n bersonol.”

Gan ddiolch i’w rieni, Chris Bason ei Swyddog Hyfforddiant o Gwmni Hyfforddiant Cambrian, a’r Glyn Clydach am eu cefnogaeth, dywedodd Oliver mai ei uchelgais yw rhedeg ei fusnes ei hun yn y pen draw.

Dywedodd Faith O’Brian, Rheolwr Gyfarwyddwr Cwmni Hyfforddiant Cambrian:

“Mae stori Andrew ac Oliver yn adlewyrchu calon ein gwaith – cefnogi pobl i dyfu, ffynnu ac ysbrydoli eraill.

“Mae eu cyflawniadau yn dangos sut mae prentisiaethau yn cryfhau nid yn unig busnesau, ond teuluoedd a chymunedau hefyd. Rydym yn falch iawn o gydnabod y ddau yn y gwobrau eleni.”

Trwy ei rwydwaith o bum swyddfa ledled Cymru, Cwmni Hyfforddiant Cambrian yw’r prif ddarparwr annibynnol o brentisiaethau i’r diwydiannau lletygarwch a gweithgynhyrchu bwyd a diod.

Mae’r cwmni a’i bartneriaid hefyd yn darparu prentisiaethau arwain a rheoli, manwerthu, gweinyddu busnes, gwasanaeth cwsmeriaid, rheoli adnoddau cynaliadwy, iechyd, gofal cymdeithasol a blynyddoedd cynnar, gwaith barbwr a thrin gwallt, a hamdden egnïol. 

I gael rhagor o wybdaeth, cysylltwch ag Alison Collingridge, rheolwr marchnata Hyfforddiant Cambrian, ar Ffôn: 01983 555893, neu Duncan Foulkes, cynghorydd cysylltiadau cyhoeddus, ar Ffôn: 01686 650818.