Mae’r Cadeirydd Gweithredol o ddarparwr prentisiaethau blaenllaw yng Nghymru wedi ychwanegu gwobr arall i’w restr o anrhydeddau sy’n tyfu.
Enillodd Arwyn Watkins, OBE, o Gwmni Hyfforddiant Cambrian, Gwobr Arweinydd y Flwyddyn, a noddwyd gan Veteran Trees, yng Ngwobrau Cyn-filwyr Cymru eleni, a daeth yn ail yng Ngwobrau Mentrwr y Flwyddyn, a noddwyd gan Pinnacle Document Solutions Group.
Roedd y wobr yn gydnabyddiaeth o rôl Arwyn fel llywydd Cymdeithas Goginiol Cymru a’i arweiniyddiaeth llwyddiannus o gais Tîm Cymru i ddod â’r Gyngres ac Expo Cogydd y Byd i’r Canolfan Cynhadledd Ryngwladol (ICC Cymru), Casnewydd 2026.
“Roedd y wobr yn annisgwyl ac roedd yn anrhydedd mawr ei hennill mewn categori mor gryf,” meddai. “Rwy’n gwneud y swydd wirfoddol gyda Chymdeithas Goginiol Cymru heb feddwl am yr acolâdau, ond mae’n braf cael cydnabyddiaeth.
“Byddai llawer o bobl ddim yn gwybod fy mod i’n gyn-filwr a dim ond yn ystod y blynyddoedd diwethaf rydw i wedi ailgysylltu â’r gymuned y cyn-filwr. Mae’n flwyddyn gofiadwy, gan fy mod wedi cael fy newis yn un o 50 o gyn-filwyr o Gorfflu Arlwyo’r Fyddin ar gyfer y Gorymdaith Heibio Coasfeb ar Ddydd y Cofio eleni.”
Yn angerddol am ddatblygu cogyddion yng Nghymru, hyfforddodd Arwyn Dîm Coginiol Ifanc Cymru i fedal aur yn yr Olympaidd Coginiol yn 2004 a’i beondi’n llywydd CAW yn 2015.
Tair blwyddyn yn ddiweddarach, derbyniodd Medal y Lywydd Cogydd y Byd am hyrwyddo’r dyrchafiad a phroffil o’r celfyddydau a phroffesiwn coginiol yng Nghymru.
Arwyn yw Cadeirydd Gweithredol Cwmni Hyfforddiant Cambrian, Trailhead Fine Foods a Ffeiriau Canolbarth Cymru, i gyd wedi’u lleoli yn y Trallwng, yn ogystal â bwyty gydag ystafelloedd arobryn a phedair-seren, Chartists 1770 yn y Trewythen, yn Llanidloes.
Yn fab i ffermwr o Lanwrtyd, ymunodd â’r Fyddin fel prentis cogydd ym 1978 ac wedi cynnal ei ymrwymiad i raglenni prentisiaeth ers hynny.
Ar ôl gadael y Fyddin ym 1992, ymunodd â’r Llynges Fasnachol, gan weithio i Stena Line a daeth yn ddarlithydd arlwyo mewn coleg yng Nghaint cyn dychwelyd i Ganolbarth Cymru i ymuno â Chwmni Hyfforddiant Cambrian ym 1998.
Yn 2002, dan ei arweiniant fe’i gweithredodd pryniant gan y rheolwyr o’r Cwmni sydd wedi arwain at dwf a llwyddiant. Mae’n ffigwr allweddol yn y sector dysgu seiliedig ar waith yng Nghymru, ar ôl gwasanaethu fel cadeirydd a phrif weithredwr o’r blaen ac ar hyn o bryd fel aelod o fwrdd Ffederasiwn Hyfforddiant Cenedlaethol Cymru.
Yn rhestr anrhydeddau’r Flwyddyn Newydd 2018, fe dderbyniodd OBE am ei wasanaethau i addysg a hyfforddiant yng Nghymru.