Yn ystod Wythnos Anabledd Dysgu 2026, rydym yn falch o ddathlu prentisiaid fel Morgan, y mae ei daith yn dangos sut y gall y gefnogaeth cywir, cyflogwyr cynhwysol a phenderfyniad personol greu cyfleoedd sy’n newid bywydau.
Yng Nghwmni Hyfforddiant Cambrian, credwn fod pob dysgwr yn haeddu’r cyfle i dyfu, cyflawni ac adeiladu dyfodol trwy brentisiaethau. Mae llwyddiant Morgan yn enghraifft wych o’r hyn a all digwydd pan fydd talent yn cael ei gydnabod a’i gefnogi.
Dod o Hyd i’r Cyfle Cywir
Gwnaeth Morgan gais yn wreiddiol am rôl yn Ysbyty Tywysoges Cymru ond bu’n aflwyddiannus. Fodd bynnag, wrth gyflawni profiad gwaith yn y Co-op ger yr ysbyty ar ôl y Pasg y llynedd, cododd cyfle newydd.
Roedd rheolwr y siop, Lindsay, yn cydnabod potensial Morgan a chynigiodd swydd iddo – cyfle a dderbyniodd yn hapus. Heddiw, mae Morgan yn gweithio tri diwrnod yr wythnos am 16 awr, gan helpu gyda:
- Ailgyflenwi stoc
- Gwirio prisiau
- Codio dyddiadau
- Cefnogi cwsmeriaid gyda’u hanghenion
Prentis Arbennig
Llwyddodd Morgan i gwblhau ei Brentisiaeth Manwerthu Lefel 2 ym mis Chwefror, gan gyflwyno ei waith yn brydlon a chynnal safonau rhagorol trwy gydol ei daith ddysgu.
Disgrifiodd ei aseswr ei fod ag agwedd sy’n canolbwyntio ar y cwsmer ac yn weithgar iawn. Mae Morgan wedi dod yn aelod gwerthfawr o’r tîm, sy’n adnabyddus am helpu cwsmeriaid ac yn barod i gefnogi ei gydweithwyr.
Gyda’i fanwl gywirdeb a’i ymagwedd drefnus, mae Morgan yn gyfrifol am wirio dyddiadau stoc, lleihau cynhyrchion pan fo angen a thynnu eitemau oddi ar werth.
Dysgu Effeithiol
Roedd Morgan yn mwynhau ochr ymarferol ei brentisiaeth yn fawr.
Dywedodd mai’r rhan yr oedd yn ei fwynhau’r fwyaf oedd y sesiynau “dangos a dweud” gyda’i Swyddog Hyfforddiant, Christine, lle gallai dangos ei sgiliau, siarad am ei waith ar recordiadau a myfyrio ar yr hyn yr oedd wedi’i ddysgu o’i brofiad ar lawr y siop.
Mae hyn yn dangos sut y gall hyfforddiant hyblyg sy’n canolbwyntio ar y dysgwr helpu prentisiaid i fagu hyder wrth arddangos eu cryfderau.
Cydbwysedd Gwaith / Bywyd
Y tu allan i’r gweithle, mae Morgan yn byw bywyd prysur. Mae’n mwynhau sioeau theatr, dawnsio neuadd (ballroom dancing) a rhedeg marathon.
Mae’r rhai sy’n gweithio gyda Morgan yn ei ddisgrifio fel unigolyn gweithgar, cwrtais ac sy’n bob amser yn barod i helpu eraill. Maent hefyd yn canmol ei natur siriol, optimistaidd a’i benderfyniad i oresgyn heriau yn y gweithle a’r tu allan gyda gwên.
Cefnogaeth sy’n Gwneud Gwahaniaeth
Mae stori Morgan yn adlewyrchu’r hyn y mae Cwmni Hyfforddiant Cambrian yn angerddol amdano – helpu dysgwyr ledled Cymru i gyflawni llwyddiant trwy hyfforddiant ymarferol, anogaeth a chyfleoedd gwirioneddol gyda chyflogwr cefnogol.
Gyda chefnogaeth ei reolwyr, ei dîm hyfforddi a’i ymroddiad ei hun, mae Morgan wedi sicrhau cyflogaeth ac wedi ennill cymhwyster cydnabyddedig.
Mae hynny’n cyflawniad i’w ddathlu.
Dathlu Wythnos Anabledd Dysgu 2026
Yr Wythnos Anabledd Dysgu hon, rydym yn dathlu Morgan a phob dysgwr sy’n profi bod pethau gwych yn bosibl gyda chred, amynedd a’r gefnogaeth gywir.
Yng Nghwmni Hyfforddiant Cambrian, rydym yn falch o sefyll ochr yn ochr â dysgwyr ledled Cymru wrth iddynt feithrin sgiliau, hyder a dyfodol llewyrchus.